Llais

• Byddwch yn cael gwersi canu dwys un i un wythnosol gyda chantorion nodedig a hyfforddwyr lleisiol ac opera proffesiynol. Mae hyfforddiant dwys mewn Ieithoedd Ewropeaidd yn cael ei ddysgu drwy repertoire eang o gerddoriaeth leisiol. Bydd gwersi drama a symud wythnosol yn rhoi crefft llwyfan ymarferol i chi fwynhau dyfeisio a pherfformio mewn datganiadau, theatr gerdd ac opera.
• Gallwch fanteisio ar gyfleoedd perfformio drwy Raglen Lleoliadau Cerddorfa a Chorws Cenedlaethol Cymreig y BBC, Opera Ieuenctid Cwmni Ifanc - Opera Cenedlaethol Cymru a rhaglen REPCo y cwmni celfyddydol dan arweiniad myfyrwyr.
• Mae ein hyfforddiant lleisiol yn cael ei wella gan ein partneriaethau agos ag artistiaid unigol a rhai o brif gwmnïau opera’r DU ac Ewrop. Gwahoddir Myfyrwyr Lleisiol Coleg Brenhinol Cerdd a Drama Cymru i holl ymarferion gwisgoedd y cwmni yn Opera Cenedlaethol Cymru.
• Mae dosbarthiadau meistr a gweithdai yn rhan annatod o bob cwrs. Mae’r ymwelwyr diweddar yn cynnwys Bryn Terfel, Rebecca Evans, Dennis O’Neill, Angelika Kirschlager, Richard Hetherington a Carlo Rizzi.
• Byddwch yn cael dosbarthiadau wythnosol mewn tair iaith Ewropeaidd, Eidaleg, Almaeneg a Ffrangeg gyda hyfforddwyr iaith arbenigol. Bydd y dosbarthiadau hyn yn eich paratoi i ddarllen, ysgrifennu, ynganu a chanu yn yr ieithoedd hyn yn ogystal â Chymraeg, Saesneg ac yn eich iaith eich hun.
• Byddwch yn datblygu sgiliau cydweithio hanfodol drwy brosiectau ensemble fel yr opera sy’n teithio o amgylch ysgolion a chymunedau, Theatr Gerdd, dyfeisio eich golygfeydd opera eich hun a deuawdau llais a phiano. Mae ein cynyrchiadau opera hefyd yn rhoi cyfleoedd i chi weithio ochr yn ochr â’n hadrannau cynhyrchu a dylunio uchel eu parch.
• Gellir cymryd dosbarthiadau sgiliau perfformio ochr yn ochr â phethau fel sgiliau allweddellau, perfformiad hanesyddol, cyfansoddi a cherddoriaeth gyfoes.

Mae hyfforddi fel canwr yn datblygu llawer o sgiliau trosglwyddadwy a all arwain at amrywiaeth eang o lwybrau gyrfa.

Mae graddedigion opera CBCDC wedi llwyddo i ennill lleoedd mewn Rhaglenni Artistiaid Ifanc megis y Stiwdio Opera Genedlaethol a Rhaglen Artistiaid Jette Parker yn y Tŷ Opera Brenhinol, ac wedi perfformio gyda chwmnïau blaenllaw ledled Ewrop a Gogledd America, gan gynnwys y Tŷ Opera Brenhinol yn Covent Garden, English National Opera, Opera Cenedlaethol Cymru, Scottish Opera, Opera North, Glyndebourne, Metropolitan Opera, Wolf Trap Opera, Opera Memphis ac Opera Brenhinol Sweden.