CBCDC yn derbyn cyllid NEWYDD sylweddol ar gyfer ei ŵyl ysgrifennu newydd flynyddol arloesol
Darllen mwy
Newyddion
Cydnabod pwysigrwydd bywyd diwylliannol bywiog yng Nghymru: Enwi’r Prifathro Helena Gaunt yn Gymrawd Cymdeithas Ddysgedig Cymru
Mae'r Athro Helena Gaunt, Prifathro Coleg Brenhinol Cerdd a Drama Cymru, wedi'i henwi'n Gymrawd Cymdeithas Ddysgedig Cymru, gan gydnabod ei chyfraniad i gerddoriaeth, ymchwil ac addysg uwch yng Nghymru a thu hwnt, ac mae ei gwaith yn llunio dyfodol hyfforddiant y celfyddydau yn cael ei gydnabod.
Cymrodoriaethau'n adlewyrchu pwysigrwydd bywyd diwylliannol bywiog i’r gymdeithas yng Nghymru, ac yn dathlu dyfnder ac ehangder arweinyddiaeth a chreadigrwydd, ymchwil ac arloesedd Cymru, ac yn cydnabod rhagoriaeth a phwysigrwydd y gwaith hwn a'r cyfraniadau at fywyd yng Nghymru a thu hwnt.
Mae Cymrodyr y Gymdeithas yn dwyn ynghyd rai o'r arweinwyr a'r academyddion mwyaf nodedig yn eu meysydd o bob cwr o'r byd, wedi'u huno yn eu hawydd i ddefnyddio eu harbenigedd i gefnogi’r gymdeithas yng Nghymru.
'Mae'n anrhydedd enfawr cael derbyn Cymrodoriaeth gan Academi Genedlaethol Cymru, ochr yn ochr â chymuned mor nodedig ac amrywiol o arweinwyr o bob cwr o'r celfyddydau, y dyniaethau a'r gwyddorau.
Mae ymrwymiad y Gymdeithas i hybu gwybodaeth, arloesedd a chreadigrwydd, ac i gydnabod pwysigrwydd hanfodol bywyd diwylliannol bywiog i bawb, yn agos at fy nghalon, ac yn adlewyrchu'r gwaith a wnawn bob dydd yn CBCDC fel Conservatoire Cenedlaethol Cymru, gan feithrin rhagoriaeth artistig, rhannu'r celfyddydau a chyd-greu gyda'n cymunedau ledled Cymru.'Helena GauntPrifathro Coleg Brenhinol Cerdd a Drama Cymru, Cymrawd, Cymdeithas Ddysgedig Cymru
Fel Academi Genedlaethol Cymru, nod y Gymdeithas Ddysgedig yw hybu gwybodaeth a phŵer ymchwil ac arloesi er budd economi a chymdeithas Cymru.
