BMus (Anrh) Jazz

Hyfforddwch yn un o conservatoires cerddoriaeth gorau’r DU 
Mae Coleg Brenhinol Cerdd a Drama Cymru yn cael ei ystyried yn un o’r conservatoires cerddoriaeth gorau yn y DU. O’r diwrnod cyntaf, byddwch yn gweithio gyda gweithwyr proffesiynol profiadol yn y diwydiant i ddatblygu eich techneg, eich hyder a’ch llais artistig. Byddwch yn archwilio gwahanol arddulliau ac arbenigeddau, gan eich paratoi ar gyfer gyrfa amrywiol a chynaliadwy mewn cerddoriaeth. 

Hyfforddiant cerddorol arbenigol gan weithwyr proffesiynol arweiniol y diwydiant 
Mae eich hyfforddiant cerddorol yn cynnwys gwersi un-i-un a grŵp wythnosol yn eich prif faes astudio, a elwir yn ‘brif astudiaeth’ i chi. Mae ein rhestr drawiadol o diwtoriaid yn cynnwys rhai o brif artistiaid jazz y DU - pob un ohonynt yn gyfansoddwyr jazz gweithredol ac yn offerynwyr neu’n lleiswyr uchel eu parch. Maent yn cynnig addysg unigol o’r radd flaenaf i chi, ond hefyd hyfforddiant ensemble, addysgu mewn grŵp, mentora a chyfleoedd rhwydweithio.  

Cyfleoedd perfformio o’r diwrnod cyntaf 
O’ch tymor cyntaf, byddwch yn cymryd rhan mewn amrywiaeth eang o berfformiadau, o gyngherddau ac ensembles i ddosbarthiadau meistr a phrosiectau trawsddisgyblaethol. Mae’r profiadau hyn yn rhan annatod o’ch datblygiad, gan feithrin eich hyder a’ch hyblygrwydd fel perfformiwr. 

Cysylltiadau â diwydiant a phrofiad o’r byd go iawn 
Fel conservatoire cenedlaethol Cymru, rydyn ni wedi meithrin partneriaethau cryf â sefydliadau celfyddydol blaenllaw, gan roi mynediad i chi at leoliadau sy’n cysylltu eich hyfforddiant â’r byd go iawn. Mae’r cyfleoedd hyn gyda rhai o’r enwau mwyaf uchel eu parch yn y busnes yn helpu i osod y sylfeini ar gyfer gyrfa barhaol a llwyddiannus yn niwydiant cerddoriaeth heddiw.  
 
Cymuned conservatoire groesawgar a chydweithredol
Gallwch gydweithredu â myfyrwyr o bob cwr o'r Coleg, o actio i ddylunio, gan feithrin y sgiliau a'r hyder i weithio'n greadigol ar draws gwahanol ffurfiau celf.

Hyfforddwch mewn amgylchedd bywiog yng nghanolfan y celfyddydau 
Mae artistiaid rhyngwladol enwog yn ymweld â’n campws bob blwyddyn fel rhan o’n rhaglen perfformiadau cyhoeddus. Gallwch brofi’r digwyddiadau hyn am ddim neu am bris gostyngol, yn ogystal â chymryd rhan mewn dosbarthiadau meistr, sydd ar gyfer ein myfyrwyr yn unig.  

Gweithgareddau i gefnogi eich gyrfa yn y dyfodol 
Er mwyn eich helpu i ennill sgiliau cyflogadwyedd a datblygu gyrfa ar ôl i chi raddio, rydym yn cynnig gweithgareddau datblygiad proffesiynol, sgyrsiau ac arweiniad arbenigol bob tymor. Byddwch hefyd yn cael eich annog i drefnu eich perfformiadau byw eich hun, gan ddatblygu sgiliau entrepreneuraidd hanfodol ochr yn ochr â’ch hyfforddiant cerddoriaeth. 

Byw ym mhrifddinas Cymru
Mae Caerdydd yn lle cyfeillgar, fforddiadwy a chreadigol i fyw. Fel myfyriwr, byddwch yn rhan o sîn gerddoriaeth a chelfyddydau lewyrchus, gyda lleoliadau mawr ar garreg eich drws a chyfleoedd i gymryd rhan mewn perfformiadau, allgymorth cymunedol a digwyddiadau proffesiynol.

• Mae chwarae mewn ensemble yn rhan hanfodol o’ch hyfforddiant. Byddwch yn perfformio’n rheolaidd o flaen cynulleidfaoedd mewn amrywiaeth o gigiau a gynhelir yn ein cyfleusterau sydd wedi ennill gwobrau, gan gynnwys Neuadd Dora Stoutzker, ein prif leoliad cyngherddau. P’un a ydych chi’n ymuno â chydweithrediadau llai, yn perfformio mewn band mawr, yn canu yn y côr jazz, neu’n gweithio ochr yn ochr â myfyrwyr mewn cynyrchiadau drama neu theatr gerdd, mae digon o gyfleoedd i ddatblygu eich sgiliau.
• Bob wythnos, gallwch hefyd gymryd rhan mewn cynllunio, cyflwyno a pherfformio ar gyfer y cyhoedd yn ein clwb jazz dan arweiniad myfyrwyr, Amser Jazz Time. Mae hyn nid yn unig yn eich galluogi i feithrin eich sgiliau entrepreneuraidd ond hefyd yn rhoi llwyfan i chi rannu eich gwaith gyda chynulleidfaoedd newydd.
• Y tu allan i’r Coleg, cewch gyfle i weithio gyda chymunedau lleol, mor amrywiol â pherfformio yn ystod o glybiau jazz Caerdydd neu’n hwyluso gweithdai mewn ysgolion lleol.
• Mae eich asesiad perfformiad diwedd blwyddyn yn brofiad proffesiynol go iawn o berfformio yn ein gŵyl jazz flynyddol, sy’n cynnig cyfle i chi berfformio ar lwyfan proffesiynol.
• Drwy gydol eich astudiaethau, cewch gyfle i gymryd dosbarthiadau meistr gydag artistiaid o fri rhyngwladol sy’n ymweld â’n campws. Mae’r sesiynau hyn yn cynnig hyfforddiant cerddorol personol, cipolwg ar y busnes a chyfle i ehangu eich rhwydwaith - sy’n hanfodol i lwyddo fel gweithiwr llawrydd yn y diwydiant cerddoriaeth.
• Anogir ein myfyrwyr i gymryd rhan mewn cystadlaethau allanol drwy gydol eu hamser yma. Mae digwyddiadau mawr – fel BBC Canwr y Byd Caerdydd a Dylunio Llwyfan y Byd – hefyd wedi'u cynnal ar ein campws.

Mae ein tîm mynediadau yn hapus i helpu gydag unrhyw gwestiynau am ofynion mynediad, clyweliadau neu fywyd yng Ngholeg Brenhinol Cerdd a Drama Cymru. E-bostiwch admissions@rwcmd.ac.uk i ddechrau arni.