Cyfansoddi a Thechnoleg Cerddoriaeth Greadigol
Datblygwch lais personol hyderus a nodedig drwy hyfforddiant arbenigol sy’n cwmpasu’r ystod lawn o dechnegau a dulliau cyfansoddi, tra’n trochi eich hun mewn cyfleoedd i berfformio a recordio, cael profiad ymarferol o’r diwydiant a chydweithio ar draws y disgyblaethau.
Pam astudio cyfansoddi yn CBCDC?
- Mae ein hadran fach a llawn cefnogaeth yn golygu y gall eich hyfforddiant gael ei deilwra i’ch anghenion unigol, gan eich cefnogi a’ch ysbrydoli i ddod o hyd i’ch hunaniaeth greadigol bersonol.
- Wrth wraidd yr astudio mae hyfforddiant un-i-un dwys, sy’n cwmpasu creu cerddoriaeth drwy dechnoleg a gweithio gyda cherddoriaeth ‘nodiannol’ draddodiadol.
- Byddwch yn cael profiad ymarferol ffurfiol ac anffurfiol yn y Coleg ac ym myd go iawn y diwydiannau creadigol, a'r cyfan gyda chefnogaeth y staff cyfansoddi.
- Byddwch yn cael cyfleoedd i brofi rhai o sefydliadau cerddorol mwyaf nodedig Cymru, gan gynnwys Tŷ Cerdd (Music House Wales), Cerddorfa Genedlaethol Gymreig y BBC (y mae ei stiwdios recordio yn un o’r cyfleusterau recordio pwrpasol mwyaf y tu allan i Abbey Road yn Llundain), yn ogystal ag Opera Cenedlaethol Cymru a Sinfonia Cymru.
- Mae cyfansoddi ag electroneg yr un mor bwysig â chyfansoddi offerynnol. Nid ydym yn eithrio unrhyw dechneg na dull cyfansoddi, a chewch eich annog i ddod o hyd i’ch arddull greadigol eich hun gyda chefnogaeth ein tîm hynod arbenigol o diwtoriaid.
- Mae myfyrwyr yn aml yn creu gwaith ar gyfer gosodiadau clyweledol cwbl drochol, perfformiadau byw i offerynwyr, ac offerynnau meddalwedd electronig a rhyngweithiol, yn ogystal â’r cyfryngau mwy traddodiadol fel dawns ac opera.
- Mae partneriaethau cydweithredol yn elfen allweddol o’r cwrs, o fewn y Coleg ac ar draws y diwydiant.
- Mae gan bob aelod o staff ei faes arbenigedd ei hun, gan gynnig hyfforddiant unigol a dosbarthiadau ym mhob agwedd a thechnegau cyfansoddi, sy’n cynnwys cyfansoddi ar gyfer cyfryngau eraill, fel ffilm a theledu, dawns, theatr a gemau yn ogystal â meysydd mwy traddodiadol fel cyngherddau, operâu a gosodiadau.
Oriel
'Ein pennaeth cyfansoddi yw dyn o'r enw John Hardy ac mae'n un o'r cefnogwyr mwyaf hael o gerddorion ifanc rydw i erioed wedi dod ar eu traws.'William CoxMyfyriwr Cyfansoddi BMus
'Mae bod yn CBCDC wedi bod yn wych, yn broffesiynol ac yn bersonol. Rydw i wedi bod yn chwarae offerynnau cyhyd ag y gallaf gofio, ond ni chefais fy nysgu'n draddodiadol erioed. Prin oedd gen i unrhyw sgiliau nodiant, ychydig o ddiddordeb mewn cerddoriaeth glasurol, ac roeddwn i'n symud mwy at gerddoriaeth electronig. Roeddwn i bob amser wedi tybio na fyddai lle i mi yn CBCDC, gan feddwl mai dim ond ar gyfer cerddorion clasurol ar frig eu crefft y byddai.
Newidiodd hynny pan es i ddiwrnod agored a chwrdd ag Odilon Marcenaro. Teimlais groeso ar unwaith ac ymgeisiais ar unwaith. Ers hynny, mae pob rhan o fy mywyd wedi ehangu ddeg gwaith. Rydw i wedi gwneud ffrindiau gwych a chysylltiadau proffesiynol, wedi gweithio ar gerddoriaeth ar gyfer theatr a ffilm, ac wedi archwilio cerddoriaeth electronig mewn ffyrdd nad oeddwn i'n gwybod oedd yn bosibl.
Yn bwysicaf oll, syrthiais mewn cariad â bod yma oherwydd faint o gefnogaeth a chalonogiad a deimlais o'r cychwyn cyntaf. Mae'r coleg, a thiwtoriaid fel Odilon Marcenaro, Milad Mardakheh, John Hardy a Ceri Tippetts, wedi agor cymaint o lwybrau i mi yn academaidd, yn artistig ac yn broffesiynol.
Os ydych chi'n rhywun sy'n treulio eu hamser yn gwneud cerddoriaeth electronig ryfedd yn eu hystafell wely er mwyn hwyl, ni allwn argymell y cwrs cyfansoddi ddigon.'Harry LewisMyfyriwr Cyfansoddi MMus
