Theatre Re: Moments

Gan blethu straeon personol â dychymyg theatrig, mae Moments yn archwilio’r profiad canol oed allweddol o golli rhiant, tra hefyd yn dod yn rhiant ac yn bod yn rhiant i’r genhedlaeth nesaf.

Moments yw cynhyrchiad newydd Theatre Re. – y tîm oedd yn gyfrifol am The Nature of Forgetting a BIRTH. Mae hon yn sioe am greu sioe, gan ddatgelu’r hud y tu ôl i greu cynhyrchiad theatr. Trwy eu straeon personol o ddod yn rhieni a chyrraedd canol oed, mae’r cyfarwyddwr, y cyfansoddwr, y cynllunydd goleuo a’r cynllunydd sain i gyd ar y llwyfan, yn ein harwain trwy’r broses feddwl a chreu popeth sy’n digwydd wrth iddo ddigwydd. Mae’n dechrau fel sgwrs TED, yna mae’n syrthio i fyd perfformio gydag arddull nodweddiadol y cwmni o adrodd straeon corfforol hygyrch gyda cherddoriaeth yn greiddiol iddo.