Isod, cewch wybodaeth am sut rydym yn darparu ar gyfer hygyrchedd yn y Coleg.

Mae prif gampws y Coleg ar Heol y Gogledd, Caerdydd, o fewn pellter cerdded i'r prif lwybrau trafnidiaeth gyhoeddus.
Mae bysiau 21, 23, 25, 27, 35 yn stopio y tu allan i’r Coleg. Mae safleoedd bysiau’r National Express a Megabus yn agos at y campws hefyd.
Gorsaf Caerdydd Canolog yw’r orsaf drenau agosaf gyda mynediad heb risiau, ac mae 5 munud i ffwrdd mewn tacsi neu 20 munud os ydych chi’n cerdded. Mae rhagor o wybodaeth am ein lleoliadau ar ein tudalennau <a href="https://rwcmd.vercel.app/cy/how-to-find-us/?token=f98K0NvEBKu12pCri9Z1cRq8ly7NxkpO" target="_blank" rel="noreferrer noopener">Sut i ddod o hyd i ni. </a>

Mae gennym dri lle parcio hygyrch y tu allan i’r brif fynedfa, a gall unrhyw un sy’n ymweld â’r Coleg sydd â bathodyn glas dilys eu defnyddio. Nid oes modd cadw’r rhain ond mae meysydd parcio talu ac arddangos ychwanegol wrth ymyl y Coleg.

O’r stryd, mae’r llwybr i’r brif fynedfa ar Heol y Gogledd yn wastad. Mae mynedfa hygyrch wrth y prif ddrysau, y gallwch eu hagor drwy bwyso’r botwm sydd o fewn cyrraedd i’r rhai sydd ei angen. Mae’r drysau dwbl yn 170cm o led. Mae mynediad gwastad o’r brif fynedfa i’r swyddfa docynnau.

Nid oes grisiau na llawr anwastad yn arwain at y cyntedd, sy’n caniatáu mynediad i’r Ddesg Groeso, y Caffi/Bar, y lifft a’r mynedfeydd i Neuadd Dora Stoutzker a Theatr Richard Burton. I fynd i Theatr Bute, ewch i’r Ddesg Groeso er mwyn cael mynd i mewn drwy’r fynedfa ddiogel.

Mae modd defnyddio’r lifftiau i gyrraedd y mannau i gadeiriau olwyn yn Theatr Richard Burton a Neuadd Dora Stoutzker.
Mae Stiwdio Caird ar y trydydd llawr ac mae modd cyrraedd yno mewn lifft nad yw ar gael i aelodau o’r cyhoedd fel arfer. Er mwyn defnyddio’r lifft, ewch i’r Ddesg Groeso a bydd aelod o staff yn eich helpu.

Mae pob un o’n mannau perfformio yn hygyrch i gadeiriau olwyn. Mae gennym nifer cyfyngedig o lefydd pwrpasol ar gyfer pobl sy’n defnyddio cadair olwyn a chynorthwywyr/gofalwyr; gellir archebu’r rhain dros y ffôn neu wyneb yn wyneb yn y Swyddfa Docynnau. Fe’ch cynghorir i roi gwybod i’r Swyddfa Docynnau wrth archebu os oes gennych chi neu’ch cyfeillion unrhyw ofynion mynediad.

Mae croeso i gŵn tywys a chŵn cymorth.

Mae marciau gwrthgyferbyniol ar ddrysau gwydr a ffenestri uchder llawn. Mae goleuadau’n isel mewn rhai mannau.
Mae gan ein Caffi/Bar sgriniau digidol gyda’n bwydlen arlwyo mewn print bras.

Mae gennym ddolen sain yn y Ddesg Groeso yn ein cyntedd ac yn y Caffi/Bar.
Mae gennym system dolen sain Sennheiser yn Neuadd Gyngerdd Dora Stoutzker ac yn Theatr Richard Burton. Gallwch ofyn am y clustffonau yn y Ddesg Groeso.
Perfformiadau â chapsiynau - mae rhagor o wybodaeth am ein perfformiadau â chapsiynau ar gael yn yr adran <a href="https://www.rwcmd.ac.uk/cy/whats-on/our-events">Digwyddiadau ar ein gwefan</a> ar ein gwefan.

Mae toiledau hygyrch ar y llawr isaf ac mae modd eu cyrraedd drwy ddefnyddio’r lifft wrth y Ddesg Groeso.

Mae’r holl staff sy’n ymdrin â chwsmeriaid wedi cael hyfforddiant ymwybyddiaeth o anabledd fel rhan o’u proses gynefino.

<a href="http://www.hynt.co.uk/"></a>
Mae gan ddeiliaid cardiau <a href="http://www.hynt.co.uk/">Hynt</a> hawl i docyn am ddim (lle bo hynny’n bosibl) i gynorthwyydd personol neu ofalwr yng Ngholeg Brenhinol Cerdd a Drama Cymru. Gallwch fynd i <a href="https://www.hynt.co.uk/cy/">wefan Hynt</a> neu cysylltwch â’r Swyddfa Docynnau i gael rhagor o wybodaeth.

Nid yw pob anabledd yn weladwy – nid yw rhai’n amlwg ar unwaith, fel awtistiaeth, poen cronig, dementia, gorbryder, nam ar y golwg neu’r clyw. Gall byw gydag anabledd cudd wneud bywyd bob dydd yn anoddach i lawer o bobl, ond gall fod yn anodd i bobl eraill sylweddoli, cydnabod neu ddeall yr heriau rydych chi’n eu hwynebu. Mae gwisgo Blodyn Haul Anableddau Cudd yn ffordd gynnil o ddangos i bobl o’ch cwmpas (gan gynnwys staff Coleg Brenhinol Cerdd a Drama Cymru) bod angen cymorth ychwanegol, help neu ychydig mwy o amser arnoch chi.

Rydym am i chi fwynhau eich amser yn y Coleg. Os oes angen help neu gyngor arnoch i gynllunio eich ymweliad, gallwch anfon e-bost at ein <a href="mailto:boxoffice@rwcmd.ac.uk" target="_blank" rel="noreferrer noopener">Tîm yn y Swyddfa Docynnau</a> neu ffonio <a href="ff%C3%B4n%3A02920391391">029 2039 1391</a>.

Mae ein Llyfryn Print Bras ar gael i’w ddarllen neu i’w lwytho i lawr - <a href="https://cdn.rwcmd.ac.uk/documents/Whats-On/WEL-Large-print-brochure_Haf-26.pdf" target="_blank" rel="noreferrer noopener">Haf 2026</a>
Gwrandewch ar fersiwn sain-ddisgrifiedig o lyfryn Beth Sydd Ymlaen Haf 2026 <a href="https://soundcloud.com/user-853518473/sets/cbcdc_cymraeg_summer-brochure">yma</a>.

 Darganfyddwch ddigwyddiadau hygyrch ar y gweill

Hafan

Canllawiau mynediad

Breadcrumbs

Mae Coleg Brenhinol Cerdd a Drama Cymru yn denu’r doniau creadigol gorau o bob rhan o’r byd. Fel conservatoire cenedlaethol Cymru, rydym yn tanio dychymyg ac yn ysgogi arloesedd, gan gynnig hyfforddiant i bron i 1000 o actorion, cerddorion, cynllunwyr, technegwyr a rheolwyr yn y celfyddydau o dros 40 o wledydd. Mae'r Coleg yn cyflwyno cannoedd o ddigwyddiadau'r flwyddyn, o gyngherddau cerddorfaol a datganiadau i ddrama, opera, jazz, cerddoriaeth newydd a theatr gerddorol, wedi'u perfformio gan ein myfyrwyr ac amrywiaeth eang o artistiaid o'r safon uchaf o bob rhan o'r byd.

Coleg Celfyddydau Cenedlaethol Cymru

Mae’r Coleg yn lle i bawb ac os ydych chi’n cynllunio eich ymweliad, gallwch gael gwybodaeth am ddarpariaethau mynediad ein lleoliadau fan yma.

description

generator

bawb, ydych, chi’n, cynllunio, eich, ymweliad, gallwch, gael, gwybodaeth, ddarpariaethau, coleg, mynediad, mae’r, lleoliadau

keywords

https://cdn.rwcmd.ac.uk/images/Campus/Carne-Foyer/_1200x630_crop_center-center_82_none/foyer-visiting-Arts-Photo-N-Treharne.jpg?mtime=1696781528

referrer

robots

twitter:card

twitter:creator

twitter:description

https://cdn.rwcmd.ac.uk/images/Campus/Carne-Foyer/_800x418_crop_center-center_82_none/foyer-visiting-Arts-Photo-N-Treharne.jpg?mtime=1696781528

twitter:image

twitter:image:height

twitter:image:width

twitter:site

twitter:title

{"title":{"title":"Canllawiau mynediad | Royal Welsh College of Music & Drama"}}

Canllawiau mynediad

Hygyrchedd o amgylch y campws

Beth sydd ymlaen

AmserJazzTime

Balance 2026

NEWYDD '26: Feral Threads

NEWYDD '26: Van Man

NEWYDD '26: That Last Summer

NEW '26: XL Bully

Rownd Derfynol Gwobr Syr Ian Stoutzker

Soiree Haf Cerddorfa WNO

Cyngerdd Arbennig Steinway: Y Kanneh-Masons

Cwmni Perfformio Ysgol Gelfyddydau Perfformio Kinetic: Sioe Theatr Gerddorol

Newyddion diweddaraf

CBCDC yn derbyn cyllid NEWYDD sylweddol ar gyfer ei ŵyl ysgrifennu newydd flynyddol arloesol

Cyn Gyfarwyddwr Datblygu, Lucy Stout, i ddod yn Is-lywydd CBCDC

Cydnabod pwysigrwydd bywyd diwylliannol bywiog yng Nghymru: Enwi’r Prifathro Helena Gaunt yn Gymrawd Cymdeithas Ddysgedig Cymru

Haf yn CBCDC

Artistiaid wedi’u cyhoeddi ar gyfer Gŵyl AmserJazzTime

Diweddariad ar gyllid Llywodraeth Cymru

‘Cadw iaith yn fyw trwy gân:’ y Tenor David Karapetian yn ennill cystadleuaeth gyntaf Gwobr y Gân Syr Bryn Terfel gwerth £15,000

Cyfarwyddwr Cynllunio ar gyfer Perfformio CBCDC yn ennill Gwobr Pin Aur Rhyngwladol am gyflawniad oes ym maes Cynllunio Llwyfan

Cystadleuaeth gyntaf Gwobr y Gân Syr Bryn Terfel: Hyrwyddo creadigrwydd, dathlu Cymru a chefnogi perfformwyr sy’n dod i’r amlwg

Er cof am David Jackson OBE