Cynrychioli Cymru yn Japan: ymweliad myfyrwyr i ddathlu diwylliant Cymru
Darllen mwy
Gwobr Syr Ian Stoutzker 2025: dathlu rhagoriaeth gerddorol yn y CBCDC
Dyfernir Gwobr Syr Ian Stoutzker yn flynyddol i offerynnwr neu ganwr mwyaf rhagorol y Coleg.
Llongyfarchiadau i fyfyriwr Perfformio Opera Owain Rowlands ar ennill Gwobr Syr Ian Stoutzker eleni. Tynnodd gwobr 2025 sylw at y cantorion eithriadol sy'n astudio yn y Coleg.
Cefnogodd y diweddar Syr Ian Stoutzker gerddorion ifanc ledled y byd trwy nifer o brosiectau a gychwynnodd a chefnogodd, gan gynnwys yng Nghymru lle'r oedd ganddo berthynas arbennig gyda'r Coleg. Yn anffodus, bu farw Syr Ian ym mis Ebrill 2024, ond diolch i'w haelioni rydym wrth ein bodd y bydd y Wobr yn parhau i'r dyfodol.
Cystadlodd Owain ochr yn ochr â’r cystadleuwyr eraill a daeth i’r brig: Tomos Jones, Charlotte Pawley, a John Liddington. Yng nghwmni Caradog Williams, cyflwynodd pob canwr ddatganiad 30 munud o gerddoriaeth o'u dewis eu hunain i'r gynulleidfa, gan gynnwys panel o feirniaid uchel eu parch eleni, Sarah Crabtree, Helena Gaunt, Grant Llewellyn a Catherine Wyn-Roberts.
Mae gwobrau fel Gwobr Syr Ian Stoutzker yn rhoi cyfleoedd i fyfyrwyr ariannu eu haddysg ac yn aml yn caniatáu iddynt barhau i astudio yn y Coleg ar gyfer graddau ôl-raddedig.
Perfformiodd myfyrwyr yn Neuadd Dora Stoutzker a roddwyd yn hael gan Syr Ian er cof am ei fam, athrawes piano o Dredegar.
Mae enillwyr lleisiol blaenorol Gwobr Syr Ian Stoutzker yn cynnwys y soprano Elena Zamudio, y tenor Rhodri Jones ac yn fwy diweddar y bariton Edward Kim.
