‘Cadw iaith yn fyw trwy gân:’ y Tenor David Karapetian yn ennill cystadleuaeth gyntaf Gwobr y Gân Syr Bryn Terfel gwerth £15,000
Darllen mwy
Newyddion
Diweddariad ar gyllid Llywodraeth Cymru
Rydym yn croesawu dyraniad gwerth £1.97 miliwn o gyllid ychwanegol gan Lywodraeth Cymru wedi’i glustnodi ar gyfer addysg uwch conservatoire cerddoriaeth a drama seiliedig ar berfformio o ansawdd uchel ar gyfer y flwyddyn ariannol 2025–26.
Mae’r cyllid yn cefnogi’r ddarpariaeth graidd o addysg cerddoriaeth a drama seiliedig ar berfformio o’r radd flaenaf a ffocws gwell ar weithio mewn partneriaeth ledled Cymru i ymestyn ein cyrhaeddiad, dyfnhau ymgysylltiad ac ehangu mynediad at hyfforddiant lefel conservatoire a chyfleoedd creadigol.
Yn bwysig, mae hefyd yn gam ystyrlon tuag at fynd i’r afael â’r bwlch cyllido sydd wedi bodoli ers tro rhwng CBCDC a chonservatoires yn Lloegr, gan helpu i wneud y sefyllfa’n decach a chryfhau cynaliadwyedd addysg celfyddydau arbenigol yng Nghymru. Er ei fod yn amodol ar y prosesau llywodraethu perthnasol, mae’r buddsoddiad hwn yn atgyfnerthu ymrwymiad Llywodraeth Cymru i feithrin llinell doniau creadigol Cymru a sicrhau dyfodol cynaliadwy i’r celfyddydau a diwylliant.
