MMus Perfformio Opera

Yn y rhaglen MMus dwy flynedd hon, byddwch yn symud o flwyddyn gyntaf o waith perfformio llais (ynghyd â’r garfan MMus Perfformio Cerddoriaeth llais) i ail flwyddyn yn canolbwyntio ar berfformiadau operatig mewn amrywiaeth o ffurfiau, gan gynnwys cyfleoedd sydd ar gael trwy ein cysylltiad agos ag Opera Cenedlaethol Cymru (WNO).

Ym Mlwyddyn 2, fel aelod o Ysgol Opera David Seligman, byddwch yn cymryd rhan mewn prosiectau ensemble a chyflwyniadau golygfeydd opera, gan drwytho eich hun mewn amgylchedd cwmni operatig proffesiynol.

Trwy ystod o ddulliau addysgu mewn lleoliad conservatoire llawn ysbrydoliaeth, a gan ddefnyddio ein cysylltiadau cryf â diwydiant, byddwch yn datblygu meistrolaeth o’r sgiliau a’r wybodaeth hanfodol sydd eu hangen i lwyddo yn y diwydiant opera heddiw.

• Mae’r cwrs hwn yn cynnwys cyfuniad o ddulliau addysgu sy’n cyfoethogi eich sgiliau arbenigol, gan eich gwneud yn fwy cyflogadwy hefyd – gwersi un i un, hyfforddiant, gwaith grŵp, tiwtorialau, darlithoedd, seminarau, gweithdai a dosbarthiadau ymarferol, a chyfnodau cynhyrchu opera.
• Ni fydd eich rhaglen astudio yn glynu wrth unrhyw un fethodoleg neu athroniaeth – yn hytrach, mae’n dod â llawer o ddylanwadau a dulliau at eich gwaith er mwyn i chi allu magu hyder wrth nodi a deall eich gweledigaeth artistig eich hun.
• Byddwch yn dysgu arferion gweithio operatig proffesiynol gyda chyfarwyddwyr a répétiteurs proffesiynol, gan roi cipolwg i chi ar sut mae’r diwydiant yn gweithio a’ch helpu i gael ymwybyddiaeth o’r amgylchedd operatig.
• Mae ein rhestr drawiadol o diwtoriaid yn cynnwys unawdwyr lleisiol adnabyddus a hyfforddwyr nodedig. Maent yn eich mentora ac yn cynnig cyfleoedd rhwydweithio i chi, yn ogystal ag addysg o’r radd flaenaf.
• Mae ein partneriaethau â’r diwydiant opera yn cynnig cyfleoedd i chi gydweithio’n uniongyrchol ag Opera Cenedlaethol Cymru. Mae’r cyfleoedd hyn yn cynnwys gala opera flynyddol y Coleg Brenhinol, lle bydd unawdwyr o Ysgol Opera David Seligman yn cael cwmni cerddorfa’r Coleg, cael eich hyfforddi a’ch mentora gan staff cerddoriaeth y Coleg yn ogystal â’r cyfle i arsylwi a chysgodi rhai o ymarferion stiwdio’r Coleg. Bydd hyn yn eich helpu i adeiladu rhwydwaith o gysylltiadau, a byddwch hefyd yn gallu datblygu dealltwriaeth ddofn o sut mae'r diwydiant yn gweithredu.
• Byddwch yn cydbwyso eich hyfforddiant unigol â dosbarthiadau cwbl integredig mewn crefftau llwyfan, sy’n cynnwys symud a dawnsio, a hyfforddiant mewn sgiliau dramatig a dehongli. Byddwch hefyd yn cael dosbarthiadau yn y prif ieithoedd operatig – Eidaleg, Ffrangeg ac Almaeneg.
• Mae perfformio’n hanfodol i’ch hyfforddiant, a byddwch yn cymryd rhan mewn prosiectau ensemble, perfformiadau amrywiol a chyflwyniadau golygfeydd opera – gan gynnwys gwaith Baróc a gwaith cyfoes yn ogystal â repertoire safonol – i fireinio’r sgiliau hyn.
• Uchafbwynt eich astudiaeth yw astudio’n fanwl a pharatoi ar gyfer rôl operatig gyflawn i’w chyflwyno mewn clyweliad a sesiwn waith sy’n cyfateb i rôl broffesiynol. Pennaeth cerddoriaeth o un o brif gwmnïau opera’r DU sy’n asesu hyn fel arfer.
• Bydd y rhaglen astudio o’ch dewis yn eich helpu i feithrin y sgiliau hanfodol sydd eu hangen arnoch i wneud penderfyniadau effeithiol ynghylch repertoire addas a dewis rôl ar gyfer clyweliadau proffesiynol.
• Byddwch yn cael dosbarthiadau sy’n canolbwyntio ar arferion proffesiynol a phrotocol opera, gan eich helpu i ddatblygu ymwybyddiaeth o arferion gweithio cydweithredol.
• Byddwch yn dysgu gan artistiaid rhyngwladol enwog sy’n ymweld â’r Coleg yn flynyddol i berfformio a chynnal dosbarthiadau meistr, gan gynnig gwybodaeth amhrisiadwy am y diwydiant a gwybodaeth artistig i ddatblygu eich sgiliau.
• Byddwch yn cael seminarau a fydd yn eich dysgu sut i sefydlu eich hun fel artist annibynnol. Bydd y sesiynau hyn yn trafod rhwydweithio, treth a chyllid, ceisiadau am gyllid, cyfryngau cymdeithasol – yr holl feysydd y mae angen i chi wybod amdanynt i ddatblygu a chynnal gyrfa bortffolio lwyddiannus a gwaith operatig.