BMus (Anrh) Cerddoriaeth – Offerynnol a Lleisiol

Hyfforddwch yn un o brif conservatoires cerddoriaeth y DU
Mae Coleg Brenhinol Cerdd a Drama Cymru yn cael ei ystyried yn eang fel un o’r llefydd gorau i astudio cerddoriaeth yn y DU. Mae ein cwrs BMus (Anrh) Cerddoriaeth yn cynnig hyfforddiant un-i-un o’r radd flaenaf, ochr yn ochr â hyfforddiant proffesiynol a gynlluniwyd i’ch paratoi am yrfa gynaliadwy yn y diwydiant cerddoriaeth.

Hyfforddiant cerddorol arbenigol gan arweinwyr diwydiant 
Byddwch yn cael gwersi un-i-un a grŵp wythnosol yn eich prif faes astudio, a elwir yn ‘brif astudiaeth’. Mae ein tiwtoriaid yn cynnwys perfformwyr, cyfansoddwyr, arweinwyr a phrif chwaraewyr o gerddorfeydd ac ensembles mawr o fri rhyngwladol. Maent yn cynnig nid yn unig arweiniad technegol, ond hefyd y gefnogaeth fentora a mewnwelediad gwerthfawr i fyd proffesiynol cerddoriaeth.

Hyfforddiant sy'n canolbwyntio ar berfformiad o'r diwrnod cyntaf
O'r eiliad y byddwch yn cyrraedd, byddwch yn cymryd rhan mewn perfformiadau – mewn cyngherddau, ensembles, cynyrchiadau opera, a dosbarthiadau meistr. Mae'r profiadau hyn yn rhan graidd o'ch hyfforddiant, gan eich helpu i ddatblygu fel perfformiwr hyderus, gyda’r gallu i addasu.

Profiad proffesiynol a chysylltiadau â'r diwydiant
Ein partneriaethau cryf â sefydliadau celfyddydol blaenllaw a chwmnïau opera a cherddorfeydd byd-enwog yng Nghaerdydd, gan gynnwys Opera Cenedlaethol Cymru a Cherddorfa Genedlaethol Gymreig y BBC. Mae cynlluniau profiad a lleoliadau ar gael i chi wneud cais fel myfyriwr cerddoriaeth israddedig, gan eich helpu i feithrin cysylltiadau a mewnwelediad ymarferol i fywyd fel cerddor gweithiol.

Cymuned conservatoire greadigol a chydweithredol
Gallwch gydweithredu â myfyrwyr o bob cwr o'r Coleg, o actio i ddylunio, gan feithrin y sgiliau a'r hyder i weithio'n greadigol ar draws gwahanol ffurfiau celf.

Astudiwch mewn amgylchedd canolfan gelfyddydau deinamig
Mae Coleg Brenhinol Cerdd a Drama Cymru yn ganolfan gelfyddydau weithredol yng nghanol Caerdydd, sy'n gartref i raglen perfformio cyhoeddus a gydnabyddir yn rhyngwladol. Bob blwyddyn mae'r Coleg yn croesawu artistiaid clodwiw o bob cwr o'r byd, a chewch eich annog i fynychu cymaint o ddigwyddiadau â phosibl - naill ai am ddim neu am bris gostyngedig i fyfyrwyr.

Byw ym mhrifddinas Cymru
Mae Caerdydd yn lle cyfeillgar, fforddiadwy a chreadigol i fyw. Fel myfyriwr, byddwch yn rhan o sîn gerddoriaeth a chelfyddydau lewyrchus, gyda lleoliadau mawr ar garreg eich drws a chyfleoedd i gymryd rhan mewn perfformiadau, allgymorth cymunedol a digwyddiadau proffesiynol.

• Mae perfformio yn rhan ganolog o'ch hyfforddiant, gydag ystod eang o gyfleoedd i chwarae'n gyhoeddus – o gerddorfeydd a chynyrchiadau opera i ensembles mewnol. Mae hyn hefyd yn cynnwys eich asesiadau perfformio, a fydd fel arfer yn digwydd o flaen cynulleidfa, gan ganiatáu ichi adeiladu eich platfform a sgiliau perfformio artistig, yn ogystal â chysylltu â chynulleidfaoedd yn rheolaidd..

• Byddwch nid yn unig yn hogi eich sgiliau technegol ac artistig gyda rhai o ymarferwyr blaenllaw'r diwydiant, ond bydd gennych gyfleoedd i berfformio a gweithio ar ystod o brosiectau dan arweiniad myfyrwyr o adrannau ar draws y Coleg – o wahanol ddisgyblaethau offerynnol/lleisiol hyd at actio a dylunio.

• Byddwch yn cael y cyfle i gymryd dosbarthiadau meistr gyda rhai o artistiaid rhyngwladol mwyaf clodwiw'r diwydiant, gan ennill cipolwg gwerthfawr ar fyd proffesiynol cerddoriaeth.

• Anogir ein myfyrwyr i gymryd rhan mewn cystadlaethau allanol drwy gydol eu hamser yma. Mae digwyddiadau mawr – fel BBC Canwr y Byd Caerdydd a Dylunio Llwyfan y Byd – hefyd wedi'u cynnal ar ein campws.

• Mae gan fyfyrwyr yma gyfleoedd i berfformio neu ymarfer mewn lleoliadau gan gynnwys Neuadd Dora Stoutzker – ein lleoliad cyngerdd blaenllaw – ynghyd ag amrywiaeth o gyfleusterau o’r radd flaenaf ar draws ein hysgol gerddoriaeth.

Mae ein tîm mynediadau yn hapus i helpu gydag unrhyw gwestiynau am ofynion mynediad, clyweliadau neu fywyd yng Ngholeg Brenhinol Cerdd a Drama Cymru. E-bostiwch admissions@rwcmd.ac.uk i ddechrau arni.

Ymunwch â chymuned o gerddorion angerddol a thalentog yng Ngholeg Brenhinol Cerdd a Drama Cymru. P’un a ydych chi’n paratoi ar gyfer gyrfa yn y diwydiannau creadigol neu’n awyddus i lunio dyfodol addysg cerddoriaeth, mae eich llwybr yn dechrau yma