MMus Perfformio Cerddorfaol
Ymunwch â hyfforddiant arbenigol a thrylwyr gyda cherddorion cerddorfaol proffesiynol, ochr yn ochr â chynlluniau mentora a lleoliadau gyda cherddorfeydd cenedlaethol.
Rhagor o wybodaeth
Astudiwch radd MMus yng nghonservatoire cenedlaethol Cymru | Cyrsiau ôl-raddedig | Coleg Brenhinol Cerdd a Drama Cymru
Astudiwch ôl-radd cerddoriaeth yng nghonservatoire cenedlaethol Cymru a mynd â’ch dawn artistig i’r lefel nesaf. Datblygwch eich sgiliau mewn perfformio, cyfansoddi neu arwain trwy hyfforddiant conservatoire arbenigol, cyfleoedd perfformio a chysylltiadau â’r diwydiant sy’n eich paratoi ar gyfer gyrfa gynaliadwy ym maes cerddoriaeth.
Gwnewch iddo ddigwydd - Byddwch y cerddor rydych chi am fod
Astudiwch am MMus (gradd Meistr mewn Cerddoriaeth) yng Ngholeg Brenhinol Cerdd a Drama Cymru a throchwch eich hun mewn profiad conservatoire dwys sydd wedi’i gynllunio ar gyfer eich datblygiad artistig. P’un a ydych yn arbenigo mewn perfformio, cyfansoddi neu arwain, mae ein graddau ôl-raddedig cerddoriaeth yn cyfuno hyfforddiant un-i-un, cyfleoedd rheolaidd i berfformio a chydweithio ag artistiaid a sefydliadau celfyddydol blaenllaw.
Datblygwch eich llais artistig, dyfnhewch eich ymarfer unigol a graddio gyda’r sgiliau, y profiad a’r hyder i ffynnu fel cerddor proffesiynol.
Pam dewis CBCDC?
Addasu eich MMus i’ch dyheadau
Datblygwch eich sgiliau arbenigol a’ch hunaniaeth artistig trwy raglen hyblyg wedi’i chynllunio o amgylch eich diddordebau, cryfderau a nodau ar gyfer gyrfa.
Dysgu gan gerddorion ac artistiaid sy’n ymarfer
Astudiwch gyda cherddorion, cyfansoddwyr, arweinwyr ac ymarferwyr proffesiynol sy’n dod â phrofiad helaeth o ddiwydiannau cerddoriaeth y DU a rhyngwladol i’ch hyfforddiant.
Adeiladu eich profiad perfformio
Cymerwch ran mewn cyfleoedd perfformio a chreadigol amrywiol, o gerddoriaeth unawdol a siambr i brosiectau cerddorfaol, opera a chydweithredol.
Cydweithio ar draws disgyblaethau
Gweithiwch ochr yn ochr â myfyrwyr ac ymarferwyr ar draws meysydd cerddoriaeth a drama, gan ddatblygu’r sgiliau creadigol a chydweithredol sydd eu hangen ar gyfer gyrfa bortffolio gynaliadwy.
Dysgu gan artistiaid blaenllaw
Cymerwch ran mewn dosbarthiadau meistr, gweithdai a phrosiectau gydag artistiaid gwadd a gweithwyr proffesiynol yn y diwydiant, a chysylltu â cherddorion sy’n gweithio ar y lefelau uchaf yn y proffesiwn.
Adeiladu eich rhwydwaith proffesiynol
Datblygwch gysylltiadau gwerthfawr trwy bartneriaethau CBCDC â sefydliadau celfyddydol blaenllaw, gan gynnwys cyfleoedd i weithio ochr yn ochr â cherddorion o sefydliadau megis Cerddorfa Genedlaethol Gymreig y BBC ac Opera Cenedlaethol Cymru.
Perfformio mewn cyfleusterau rhagorol
Datblygwch eich ymarfer mewn mannau arbenigol gan gynnwys Neuadd Dora Stoutzker, gyda chyfleoedd i berfformio o fewn y Coleg ac mewn lleoliadau allanol.
Cymerwch olwg ar rai o'n cyrsiau ôl-raddedig
MMus Perfformio Cerddorfaol
Ymunwch â hyfforddiant arbenigol a thrylwyr gyda cherddorion cerddorfaol proffesiynol, ochr yn ochr â chynlluniau mentora a lleoliadau gyda cherddorfeydd cenedlaethol.
Rhagor o wybodaeth
MMus Perfformio Opera
Gyda’n cwrs dan arweiniad y diwydiant, sy’n cyfuno hyfforddiant arbenigol â chyfleoedd perfformio amrywiol, byddwch yn gwybod sut mae bodloni gofynion cwmnïau opera proffesiynol y dyddiau hyn.
Rhagor o wybodaeth
MMus Piano Cydweithredol
Dewch i gael hyfforddiant arbenigol gyda phianyddion proffesiynol wrth i chi weithio ochr yn ochr â phartneriaid cerddorol mewn detholiad amrywiol a chyffrous o berfformiadau ensemble.
Rhagor o wybodaeth
MMus Cyfansoddi
Cyfle i archwilio dulliau ac arddulliau cyfansoddi amrywiol, gyda nifer o gyfleoedd i weithio ar ein cynyrchiadau drama a chydweithio â gweithwyr proffesiynol yn y diwydiant.
Rhagor o wybodaeth
MMus Arwain Corawl
Gosodwch y sylfaen ar gyfer gyrfa lwyddiannus gyda’n cwrs sy’n cyfuno cyfleoedd arwain corawl a hyfforddiant llais arbenigol.
Rhagor o wybodaeth
MMus Perfformio Cerddoriaeth
Datblygwch yrfa rydych chi’n ei mwynhau gyda’n cwrs sy’n cynnig hyfforddiant arbenigol a nifer o gyfleoedd perfformio i gantorion ac offerynwyr.
Rhagor o wybodaeth
MMus Arwain Band Pres
Dewch i ennill yr holl sgiliau sydd eu hangen arnoch i ymgymryd â rôl arweinydd bandiau pres yn hyderus, ynghyd â chyfleoedd i arwain drwy gydol eich astudiaethau.
Rhagor o wybodaeth
MMus Perfformio Chwythbrennau Aml-offeryn
Dysgwch berfformio’n hyderus gydag amrywiaeth o offerynnau chwyth mewn lleoliad theatr gerdd, gydag arbenigwyr yn y diwydiant a cherddorion arbenigol i’ch arwain.
Rhagor o wybodaeth
Cerddoriaeth
Mae ein holl gyrsiau cerddoriaeth yn canolbwyntio arnoch chi a’r cerddor rydych chi am fod; ar ddatblygu eich sgiliau fel unigolyn, artist cydweithredol a cherddor a fydd yn cyfrannu at gymdeithas.
Rhagor o wybodaeth
Beth ddywed ein myfyrwyr
‘Dewisais y cwrs MMus yn CBCDC oherwydd ei fod yn un o’r ychydig sefydliadau yn y DU ac Ewrop sy’n cynnig rhaglen meistr sy’n canolbwyntio’n benodol ar berfformio cerddorfaol. Mae’r cynllun lleoliadau unigryw a’r cyfleoedd i eistedd gyda cherddorfeydd proffesiynol yn ei wneud yn wahanol i golegau eraill.’Gabriella AlbertoMMus Perfformio Cerddorfaol
‘Dewisais astudio yn y Coleg wedi i mi gael fy nenu gan hyblygrwydd y cwricwlwm, yn ogystal â diwylliant cefnogol a chreadigol y Coleg. Roedd ei leoliad yng Nghaerdydd, dinas werdd a chanolig o ran maint, yn fonws ychwanegol.’Andrew NeslerMMus Perfformio Cerddoriaeth
‘Cefais fy synnu ar yr ochr orau fy mod yn teimlo’n hollol barod pan gamais i mewn i’r “byd opera proffesiynol”. Roedd y profiadau a gefais yn CBCDC hyd yn oed yn fwy proffesiynol na rhai o’r tai opera mawr. Rwy’n cofio bod hyn wedi bod yn sioc fawr i mi, a gwnaeth i mi sylweddoli pa mor ffodus oeddwn i a pha mor dda yr oeddwn wedi cael fy addysgu.’Lluis Calvet i PeyMMus Perfformio Opera
‘Y Coleg oedd lle y des i o hyd i fy llais fel artist. Rhoddodd fy nghyfnod yno yr hyder i mi ymddiried ynof fy hun, i wrando ar fy llais mewnol, ac i wybod y bydd gen i’r arfau i ddelio â beth bynnag y dof ar eu traws. Dros y blynyddoedd rydw i wedi parhau i deimlo cysylltiad cryf â’r Coleg a’i ethos o gynhwysiant ac arloesedd.’Tianyi LuMMus Arwain Cerddorfaol
‘Mae Coleg Brenhinol Cerdd a Drama Cymru wedi fy mharatoi nid yn unig yn dechnegol, ond hefyd yn gydweithredol. Mae wedi meithrin ynof werth meddwl agored, hyblygrwydd, a’r gallu i ysbrydoli eraill trwy gerddoriaeth. Nid dim ond clasurol yw’r hyfforddiant, mae’n gwerthfawrogi pob math o gerddoriaeth.’Rachel StarrittMMus Perfformio
‘Mae'r Coleg yn teimlo fel lle i ymchwilio’n fanwl i sut beth fydd dyfodol cerddoriaeth, yn ei holl ffurfiau, gan ofyn cwestiynau pwysig ein cyfnod am gerddoriaeth a drama.'Errollyn WallenCyfansoddwr Preswyl
Astudiwch gerddoriaeth yng Nghaerdydd - prifddinas Cymru
Byw yng Nghaerdydd
Nid cyd-ddigwyddiad yw bod ein myfyrwyr yn caru Caerdydd, ond beth sy’n ei wneud yn lle mor arbennig?
Rhagor o wybodaeth
Crwydro Caerdydd
Efallai na fyddech chi’n meddwl hynny o ystyried ei maint, ond mae llawer iawn i’w wneud yn ein dinas fach. Felly, dewch i ymdrochi yn y diwylliant, mwynhau’r amrywiaeth o adloniant, neu dreulio amser yn ymlacio yn un o’n mannau naturiol hardd.
Rhagor o wybodaeth
Llety yng Nghaerdydd
P’un a ydych ar eich blwyddyn gyntaf neu eich blwyddyn olaf, mae dod o hyd i rywle i fyw bob amser yn flaenoriaeth. Rydym wedi casglu ychydig o wybodaeth i’ch helpu i ddod o hyd i’r lle perffaith i allu mwynhau bywyd yng Nghaerdydd.
Rhagor o wybodaeth
Cofrestrwch i dderbyn rhagor o wybodaeth am ein cyrsiau MMus
Cofrestru i gael ein newyddion diweddaraf
Bydd e-bost yn cael ei anfon yn gofyn i chi gadarnhau eich cyfeiriad. Edrychwch yn eich ffolder sbam / sothach os nad yw'r e-bost yn cyrraedd o fewn ychydig funudau
Mae’r Coleg yn cymryd diogelu pob gwybodaeth bersonol o ddifrif ac mae wedi ymrwymo’n llwyr i ddiogelu hawliau a rhyddid pob unigolyn. Byddwn yn prosesu eich data yn unol â’n datganiad preifatrwydd, y gallwch ei ddarllen yn https://www.rwcmd.ac.uk/cy/privacy