Harri Acheson

Helo, Harri ydw i. Rwy’n astudio BA Cynllunio ar gyfer Perfformio yma yng Ngholeg Brenhinol Cerdd a Drama Cymru, gan ganolbwyntio ar gynllunio ac adeiladu gwisgoedd. Rwy’n edrych ymlaen yn fawr i fod yn cynrychioli’r adran ddrama fel yr Is-lywydd Drama.

Mae fy nodau dros y flwyddyn nesaf i gyd yn ymwneud â’r syniad o feithrin y creadigrwydd, yr angerdd a’r dalent anhygoel sydd gan ein hadran, gan helpu pawb i gyrraedd eu llawn botensial. Byddaf yn cyflawni hyn drwy gyfathrebu uniongyrchol a gonest rhwng corff y myfyrwyr a’r staff, gan sicrhau bod llais a barn pawb yn rhan o’r sgwrs.

Rwyf am chwalu’r muriau rhwng cyrsiau a chreu amgylchedd lle mae myfyrwyr yn gallu cysylltu ag eraill y tu allan i’w cwrs eu hunain drwy ddefnyddio digwyddiadau a gweithgareddau yn y Coleg a thu allan iddo. Yn bwysicaf oll, fy nod yw bod y person y mae myfyrwyr yn hapus i ddod ato pryd bynnag y bydd ganddynt unrhyw beth i’w rannu, boed yn syniadau ar gyfer gwella, adborth ar addasiadau i gwrs neu dim ond angen siarad â rhywun.