Angharad Morgan

Graddiodd Angharad Morgan o Goleg Brenhinol Cerdd a Drama Cymru, Caerdydd, lle dyfarnwyd ysgoloriaeth lawn iddi yn 2000. Cwblhaodd ei hastudiaethau yn Academi Llais Ryngwladol Cymru gyda Dennis O’Neill ac ar hyn o bryd mae'n cael ei haddysgu gan Nuccia Focile. Yn ystod y cyfnod hwn, cafodd Angharad ei mentora a'i thiwtora gan y Fonesig Kiri Te Kanawa.

Hi oedd un o'r rhai cyntaf i dderbyn Gwobr Datblygu Gyrfa gan Sefydliad Bryn Terfel. Mae ei gwobrau eraill yn cynnwys Gwobr Valetta Jacobi, Ysgoloriaeth Goffa Lee Freeman, bwrsariaeth Sefydliad Dennis O'Neill, Ysgoloriaeth Goffa Russell Sheppard, a Chanwr y Flwyddyn y Fro.

Ymddangosodd am y tro cyntaf mewn opera broffesiynol yn Opera Gŵyl Wexford, yn canu Second Woman yn A Village Romeo and Juliet gan Delius a Peasant Farmer yn Le roi malgré lui gan Chabrier.

Yn 2013, ymunodd ag Opera Gŵyl Glyndebourne fel un o dri o Artistiaid Ifanc Jerwood. Yn ystod ei chyfnod yno, bu’n ddirprwy actores yn rôl Alice yn Falstaff, creodd rôl Ione yn A Wakening Shadow gan Luke Styles, a pherfformiodd rôl Dew Fairy yn Hänsel und Gretel ar gyfer Opera Deithiol Glyndebourne. Yn 2014, bu’n ddirprwy actores ar gyfer rôl Arminda yng nghynhyrchiad newydd yr Ŵyl o La finta giardiniera.

Mae ei pherfformiadau operatig yn cynnwys Lucia yn The Rape of Lucretia a Miss Wordsworth yn Albert Herring gan Britten, Sister Blanche yn Dialogues des Carmélites gan Poulenc, First Lady yn Die Zauberflöte gan Mozart, Sandman yn Hänsel und Gretel gan Humperdinck, ac Innkeeper’s Wife yn The Cunning Little Vixen gan Janáček (RWCMD i gyd); Belinda yn Dido and Aeneas gan Purcell (Gower Chorale); Donna Elvira yn Don Giovanni gan Mozart (Ysgol Opera Cymru); Marguerite yn Faust gan Gounoda Musetta yn La bohème  gan Puccini (Opera Dinas Abertawe); ac Alice yn Falstaff  gan Verdi (Opera Project).

Mae Angharad yn artist amryddawn sydd â repertoire cyngherddau eang. Mae hi'n perfformio gweithiau sanctaidd safonol yn aml ac mae'n unawdydd poblogaidd gyda chorau ledled Cymru.

Ym mis Awst 2016, ymunodd Angharad â Chorws mawreddog Opera Cenedlaethol Cymru, lle mae'n canu'n llawn amser ar hyn o bryd. Mae ei huchafbwyntiau ers ymuno â'r cwmni yn cynnwys rolau Micaëla (Carmen), Musetta (La bohème), Cousin (Madama Butterfly), Emma (Khovanshchina), Fiordiligi (Così fan tutte), a First Niece (Peter Grimes). Mae hi hefyd wedi perfformio rolau Ida yn Die Fledermaus, Marianne yn Der Rosenkavalier, Berta yn The Barber of Seville, ac wedi creu rôl Bronwen yng nghynhyrchiad arobryn Opera Cenedlaethol Cymru o Blaze of Glory.