Trosolwg
Mae cysylltu â chymunedau yn rhan ganolog o ethos CBCDC. Gan fanteisio ar ddoniau a chreadigrwydd ein myfyrwyr, rydym yn datblygu gwaith newydd gydag amrywiaeth eang o bartneriaid cymunedol.
Craidd
Mae Coleg Brenhinol Cymru yn falch o fod yn bartner i Craidd, partneriaeth newydd sy’n dwyn ynghyd nifer o gwmnïau theatr prif ffrwd Cymru.
Nod Craidd yw creu newid ystyrlon a chynaliadwy, gan wella cynrychiolaeth pobl anabl (gan gynnwys pobl Fyddar, niwrowahanol a phobl ag anableddau dysgu) ar draws sector theatr prif ffrwd Cymru.
Mae’r gwaith gyda Craidd yn cefnogi rhaglen barhaus o newid i wreiddio mynediad, cynhwysiant a pherthyn ar draws pob maes o waith y Coleg.
‘Os ydyn ni eisiau sicrhau bod y diwydiant celfyddydau’n hygyrch i bawb, rhaid i ni ddechrau hyfforddi unigolion creadigol anabl ifanc, felly mae’r Coleg yn bartner pwysig iawn.’Sara BeerCyfarwyddwr Newid Craidd
'Rydyn ni eisiau defnyddio’r prosiect hwn fel catalydd i wneud newid hirdymor, gan harneisio’r egni creadigol hwn i wneud gwahaniaeth go iawn.
Er enghraifft, roedd cynhyrchiad diweddar Iaith Arwyddion Prydain y Coleg o ‘A Christmas Carol’, gwaith cynhwysol a oedd yn dysgu setiau sgiliau newydd i’r actorion yn ogystal â denu cynulleidfa newydd i Goleg Brenhinol Cymru.’
Beth nesaf?
Mae’r cam cyntaf hwn o newid ar gyfer Craidd yn cynnwys archwiliadau o bob sefydliad partner, sgyrsiau â’r sector, hyfforddiant ar draws sefydliadau partner, a manylion modelu ar gyfer pum mlynedd nesaf rhaglen newid.
Dan arweiniad y Cyfarwyddwr Newid, ein cyd-bartneriaid yw Theatr Clwyd, Theatr Sherman, Celfyddydau Pontio a Theatr Torch.
Asiant Newid
Mae Asiant Newid Craidd yn rhywun sy’n gweithio mewn sefydliad i helpu i’w wneud yn fwy cynhwysol a hygyrch. Maen nhw’n edrych ar yr hyn sydd eisoes ar waith, yn nodi beth allai gael ei wella, ac yn cefnogi newidiadau ymarferol sy’n agor pethau i fwy o bobl - yn enwedig pobl sy’n Fyddar, yn anabl neu’n niwrowahanol.
Yn 2024, daeth Bridie yn Asiant Newid gyda Craidd yng Ngholeg Brenhinol Cerdd a Drama Cymru. Yn y rôl hon, mae hi’n eiriol dros sector theatr sy’n fwy cynhwysol a hygyrch i bobl anabl, Fyddar a niwrowahanol. Mae hi’n dod ag ymrwymiad cryf i fynediad creadigol, ochr yn ochr â’i phrofiad uniongyrchol o anabledd a’i chefndir mewn ymarfer theatr.
