Canolfannau partneriaeth rhanbarthol

Ledled Cymru, mae gwaith rhagorol eisoes yn digwydd mewn ysgolion, theatrau ieuenctid, gwasanaethau cerdd a lleoliadau cymunedol. Ein rôl ni yw cefnogi a gwella hyn a dod â phartneriaid at ei gilydd. Dros y flwyddyn nesaf, byddwn ni’n agor canolfannau partneriaeth newydd ledled Cymru a bydd hyn sicrhau ein bod yn rhan ganolog o rwydwaith hanfodol o gefnogaeth a chyfleoedd, sy’n estyn allan ac yn ymgysylltu â phobl ifanc lle bynnag y maen nhw yn y wlad. Mae hyn yn golygu adeiladu ar yr hyn sydd eisoes yn gweithio, gan ei helpu i dyfu.

Bydd ysgolion, colegau addysg bellach a sefydliadau cymunedol yn cael eu cysylltu drwy dair canolfan ranbarthol, gan weithio gyda’i gilydd i greu mwy o gyfleoedd ym maes cerddoriaeth a drama. Bydd pob Canolfan yn cael ei chefnogi gan gydlynydd lleol, a fydd yn helpu i gysylltu pobl ifanc â gweithgareddau lleol a chyfleoedd cenedlaethol. 

Bydd ein gwaith wedi’i leoli ar draws: 

• Gogledd Cymru 
• Canolbarth Cymru 
• De Cymru 

Bydd pob Canolfan yn dod â Choleg Brenhinol Cerdd a Drama Cymru at ei gilydd gyda lleoliadau lleol, colegau, theatrau ieuenctid, gwasanaethau cerdd ac ysgolion. 

Mae’r dull cydgysylltiedig hwn yn golygu mwy o gyfleoedd i bobl ifanc gymryd rhan a datblygu, p’un ai a ydyn nhw’n dechrau arni neu eisoes yn datblygu eu sgiliau.