MA Theatr Gerddorol

Mae’r cwrs blwyddyn hwn yn cyfuno hyfforddiant technegol uwch, arfer proffesiynol cyfredol a dysgu sy’n seiliedig ar ymchwil i’ch helpu i fodloni gofynion y diwydiant theatr gerddorol sy’n esblygu’n gyson.

Byddwch yn hyfforddi ochr yn ochr â rhai o ymarferwyr blaenllaw’r diwydiant tra’n adeiladu eich hunaniaeth artistig mewn amgylchedd conservatoire diogel a chroesawgar.

Gallwch ddewis un o dri llwybr penodol – Perfformio, Cyfarwyddo Cerddorol neu Addysgu Canu – sydd i gyd yn darparu cymwysterau a set sgiliau amrywiol y mae galw mawr amdanynt ledled y byd ar hyn o bryd

Datblygu eich dawn artistig yn un o gonservatoires theatr gerddorol gorau’r DU

Ystyrir CBCDC yn un o’r lleoedd gorau yn y DU i astudio theatr gerddorol. Mae ein cwrs MA Theatr Gerddorol yn darparu hyfforddiant o’r radd flaenaf a hefyd proffesiynol a all eich helpu i gynnal gyrfa yn y diwydiant.

Llwybrau wedi’u targedu ar gyfer gyrfaoedd perfformio, cyfarwyddo cerddorol neu addysgu canu

Mae’r llwybrau galwedigaethol hyn i’r diwydiant theatr gerddorol yn rhoi’r hyfforddiant sydd ei angen arnoch i ehangu eich ystod o sgiliau neu newid gyrfa.

Bydd hyfforddiant dwys, seiliedig ar ymarfer, sy’n adlewyrchu disgwyliadau cyfoes y diwydiant, gyda gwaith rihyrsio a hyfforddiant perfformio dyddiol, yn ffurfio sail i’ch dysgu.

Hyfforddiant arbenigol gan ymarferwyr sy’n arbenigwyr o bob rhan o’r diwydiant

Byddwch yn cael eich arwain gan dîm a gydnabyddir yn rhyngwladol sydd ag arbenigedd mewn perfformio, addysgu ac ymarfer theatr gerddorol, gan gynnwys Hyfforddiant Llais Estill. Mae’r tîm yn cynnig nid yn unig hyfforddiant o’r radd flaenaf, ond hefyd cyfleoedd mentora a rhwydweithio.

Yn ogystal, byddwch yn cael lefel eithriadol o sylw unigol a hyfforddiant gyrfa, a holl fanteision gweithio fel rhan o ensemble bach.

Cael mewnwelediad proffesiynol a chysylltu â’r diwydiant

Mae ein cysylltiadau cryf â’r diwydiant, yng Nghymru a thu hwnt, yn sicrhau bod eich hyfforddiant yn cyd-fynd ag arfer proffesiynol cyfredol.

Cewch hefyd gyfleoedd i gwrdd a gweithio’n agos â chyfarwyddwyr, cyfarwyddwyr cerdd a choreograffwyr nodedig, yn ogystal ag artistiaid gwadd. Mae hyn yn eich helpu i feithrin cysylltiadau â’r diwydiant theatr gerddorol ac yn rhoi mewnwelediad gwerthfawr i sut mae’r proffesiwn yn gweithio.

Trochi eich hun mewn cymuned conservatoire greadigol a chydweithredol

Byddwch yn cydweithio’n agos ag adrannau cerddoriaeth, cynhyrchu a chynllunio CBCDC, gan eich rhoi yng nghanol ein cymuned greadigol amrywiol.

Hyfforddi mewn amgylchedd canolfan gelfyddydau groesawgar

Byddwch yn astudio yng nghanol Caerdydd mewn canolfan gelfyddydau weithredol sy’n gartref i raglen perfformiadau cyhoeddus a gydnabyddir yn rhyngwladol. Bob blwyddyn rydym yn croesawu artistiaid o fri o bob cwr o’r byd, ac rydym yn eich annog i fynychu cymaint o’r digwyddiadau hyn â phosibl (a gallwch wneud hynny am ddim neu am bris gostyngol i fyfyrwyr).

Astudio a byw ym mhrifddinas ddeinamig Cymru

Mae Caerdydd yn lle cyfeillgar, fforddiadwy a chreadigol i fod yn fyfyriwr. Fe fyddwch yn rhan o sin gerddoriaeth a chelfyddydau ffyniannus, gyda phrif leoliadau ar garreg eich drws a chyfleoedd i gymryd rhan mewn perfformiadau, gwaith allgymorth yn y gymuned a digwyddiadau proffesiynol.

Gallwch ddewis arbenigo mewn un o dri maes, sy’n cael eu galw’n ‘llwybrau’:

Gall myfyrwyr o bob llwybr gymryd rhan mewn amrywiaeth o gyfleoedd perfformio allanol, sy’n pontio’r bwlch rhwng hyfforddiant yn yr ystafell ddosbarth a’r diwydiant proffesiynol. Mae’r cyfleoedd hyn yn dyfnhau eich sgiliau technegol, yn eich helpu i ehangu eich hunaniaeth artistig ac yn gwella eich cyflogadwyedd.

Byddwch yn gweithio’n agos gyda myfyrwyr o raglenni eraill CBCDC, gan ddatblygu sgiliau a gwybodaeth hanfodol yn y diwydiant, a gweithio tuag at nodau cynhyrchu cyffredin. Mae’r cydweithrediadau hyn yn rhoi cyfle i adeiladu partneriaethau artistig parhaol ac ystyrlon tra’n dysgu am arfer gorau mewn gyrfaoedd perfformio.

Perfformiadau cabaret

Efallai y cewch gyfle hefyd i greu a llwyfannu eich gwaith hunangyfeiriedig eich hun mewn lleoliadau perfformio lleol megis Canolfan Mileniwm Cymru, Canolfan Gelfyddydau Muni a Phafiliwn Penarth.

Perfformiadau cyngerdd

Efallai y cewch eich gwahodd i gymryd rhan mewn cyfleoedd perfformio allanol, megis cyngherddau Dydd y Cofio neu ddigwyddiadau a lwyfannir gan gwmnïau rheoli digwyddiadau.

Cyfleoedd cyflogaeth proffesiynol

O bryd i’w gilydd cawn geisiadau i’n myfyrwyr Theatr Gerddorol gymryd rhan mewn cyfleoedd cyflogaeth proffesiynol – mae enghreifftiau diweddar yn cynnwys gwaith Theatr mewn Addysg a theithio gyda Theatr Royal Court Lerpwl a Theatr Gŵyl Chichester.

Mae ein tîm derbyniadau yn hapus i helpu gydag unrhyw gwestiynau’n ymwneud â gofynion ar gyfer derbyn, clyweliadau neu fywyd yn CBCDC. E-bostiwch admissions@rwcmd.ac.uk i ddechrau arni.