Canlyniadau chwilio

Mae merch fach yn torri llinyn o ddoliau papur, yn cydio yn eu dwylo a gyda’i gilydd maent yn mynd ar antur llawn rhyfeddod sy’n troelli trwy eu cartref a’u gardd. Mae Ticky, Tacky, Jackie the Backie, Jim gyda dau drwyn a Jo gyda’r bwa yn hedfan trwy amser ac yn gwibio ar draws bydoedd o hwyl a chyffro. Maent yn wynebu crafangau Jwrasig deinosor tegan a genau perygl maneg popty ar ffurf crocodeil, ac yna mae bachgen go iawn gyda siswrn go iawn yn bygwth torri ar eu hantur… Cyd-gynhyrchiad Theatr Little Angel a Theatr Polka, yn seiliedig ar y llyfr gwreiddiol gan Julia Donaldson a Rebecca Cobb

Cyfle i glywed ein hunawdwyr rhagorol yn perfformio am yr anrhydedd o gystadlu yn rownd derfynol y Gystadleuaeth Concerto a gynhelir yn y Gwanwyn, gan ennill y cyfle i ymddangos fel unawdydd gydag un o ensembles mawr CBCDC.

Daw pethau gwych mewn pecynnau bach – dim ond pedwar cerddor sydd eu hangen i ffurfio pedwarawd llinynnol, ond mae’r emosiynau y gallant eu creu yn ddiddiwedd. Huodledd a ffraethineb y ddeunawfed ganrif, nwydau gwyllt o gefn gwlad Hwngari, a golygfa forol o’r Alban o ddychymyg rhyfeddol Fergus Hall: mae unrhyw beth yn bosibl pan fydd Pedwarawd Fibonacci yn dychwelyd i’r Coleg.

Mae’r nos wedi ysbrydoli cyfansoddwyr erioed, wedi’u denu i bortreadu ei dirgelwch, ei rhamant, ei pherygl, neu ei thawelwch. Yn y cyngerdd hwn mae myfyrwyr piano CBCDC yn archwilio cyfoeth mawr cerddoriaeth y nos ar gyfer y piano, gan ddatgelu ei harddwch a’i hamrywiaeth benodol.

Cyfle i ddathlu’r cydweithrediad blynyddol rhwng Ysgol Opera David Seligman a Cherddorfa Opera Cenedlaethol Cymru mewn noson o ddisgleirdeb a llawenydd, gyda golygfeydd ac ariâu yn arddangos talent opera sy’n dod i’r amlwg yn y Coleg.

Datganiad cydweithredol yn amlygu traddodiadau a rennir gan y gitâr a’r delyn. Yn cynnwys ‘The Glass Vase with Butterflies’ ar gyfer telyn a gitâr gan y gitarydd Americanaidd Anthony Sidney, bydd y perfformiad hwn o ddetholiad o weithiau unawdol a siambr yn archwilio cymeriad myfyriol yr offerynnau hyn.

Y dechrau perffaith i’ch Nadolig; Côr Opera Cenedlaethol Cymru yn perfformio ochr yn ochr â chantorion CBCDC mewn cyngerdd o repertoire corawl, opera a cherddoriaeth ar gyfer tymor yr ŵyl. Wedi’i gynnal yng Nghapel y Tabernacl yng nghanol Caerdydd, arweinir y noson gan Gorfeistr WNO, Freddie Brown a Chyfarwyddwr Cerddoriaeth CBCDC, Tim Rhys-Evans.

Y Nadolig hwn gallwch ddilyn anturiaethau rhyfeddol David Copperfield.‘To begin my life with the beginning of my life, I record that I was born…’O dorcalon i ddoniolwch llwyr, ymunwch â ni ar y wibdaith hon o hanes personol ac arsylwadau David Copperfield. Mae’r addasiad cyffrous a hudolus hwn gan Simon Reade yn mynd i fyd lled-hunangofiannol Charles Dickens mewn noson llawn hwyl mewn neuadd gerddoriaeth Fictoraidd. Yn cynnwys cymeriadau llawn bywyd a bythgofiadwy, bydd Cwmni Richard Burton yn mynd â chi ar ddarganfyddiad cerddorol trwy ganeuon gan Chris Larner

Mae gan Orgon bopeth: teulu hardd, arian a grym. Pan fo’n gadael y twyllwr rhagrithiol Tartuffe i mewn i’w fywyd daw twyll, hudoliaeth ac anhrefn yn ei sgil. Ond beth sy’n wir a beth sy’n ffug, ac a yw’r dieithryn hwn y dihiryn y mae’n ymddangos i fod? Mae fersiwn ffyrnig John Donnelly o gampwaith comig Molière yn edrych ar y graddau yr awn i ddod o hyd i ystyr.

Ymunwch â cherddorion proffesiynol ifanc gwych o Goleg Brenhinol Cerdd a Drama Cymru (CBCDC) mewn awr lawen o greu cerddoriaeth gyffrous wedi’i chynllunio o amgylch arddulliau dysgu aelodau ieuengaf ein cynulleidfa