Macbeth gan Shakespeare
Mae ein hadnodd addysgol newydd sbon ar gyfer athrawon yn cynnwys cyfweliadau unigryw gydag aelodau allweddol o gast a thîm creadigol ein cynhyrchiad diweddar o ‘Macbeth’ William Shakespeare.
Rhagor o wybodaeth
Ysgolion uwchradd a cholegau
Rydyn ni’n cynnig amrywiaeth cyffrous o deithiau tywys, sgyrsiau, gweithdai, prosiectau creadigol ac arddangosfeydd ar gyfer ysgolion uwchradd a cholegau – pob un â’r nod o ysbrydoli myfyrwyr gyda chelf a cherddoriaeth.
Rydyn ni hefyd yn darparu adnoddau addysg i athrawon sy’n cynnwys cyfweliadau gyda rhai o’r cast a’r tîm creadigol o’n cynyrchiadau diweddar.
Dewch i glywed sgyrsiau, teithiau ac arddangosfeydd CBCDC
Helpwch eich myfyrwyr i gael blas ar fywyd yng Ngholeg Brenhinol Cerdd a Drama Cymru. P’un a ydych chi’n ymweld â ni yng Nghaerdydd, yn cwrdd â ni ar-lein neu’n trefnu i ni ddod i’ch ysgol, mae llawer o ffyrdd i’ch myfyrwyr archwilio ein cyrsiau cerddoriaeth, drama a chefn llwyfan.
Rydyn ni’n cynnig:
- Teithiau o amgylch campws Heol y Gogledd neu weithdy Llanisien
- Sgyrsiau gan aelodau blaenllaw o staff a myfyrwyr presennol, ‘Sut beth yw astudio mewn conservatoire’
- Cyfleoedd i gymryd rhan mewn ymarfer neu berfformiad amser cinio
- Cyfleoedd i fynd i arddangosfa am ddim
- Sesiynau Holi ac Ateb ar-lein i’ch myfyrwyr
- Ymweliadau â’ch ysgol neu goleg i ddarparu amrywiaeth o sgyrsiau a chymryd rhan mewn digwyddiadau yno (yn dibynnu ar le rydych chi wedi’ch lleoli)
Gweithdai pwrpasol a phrosiectau creadigol
Rydyn ni’n cynnig amrywiaeth o weithdai i ysgolion uwchradd a cholegau, wedi’u teilwra gymaint â phosibl i anghenion grwpiau penodol o ddisgyblion. Gallwn ni ymweld â’ch ysgol neu’ch coleg (yn dibynnu ar le rydych chi wedi’ch lleoli), neu gallwch chi ymweld â ni.
Mewn gweithdai drama, ein nod yw meithrin hunanhyder, sgiliau cymdeithasol a chreadigrwydd pobl ifanc mewn amgylchedd diogel a chefnogol. Mae ein holl staff yn actorion, cyfarwyddwyr, dylunwyr proffesiynol neu’n arbenigwyr yn y diwydiant.
Yn ein gweithdai cerddoriaeth, rydyn ni’n arddangos amrywiaeth o arddulliau o gerddoriaeth glasurol i jazz a theatr gerdd. Mae’r rhain yn aml yn cynnwys ein myfyrwyr israddedig ac ôl-raddedig talentog sy’n datblygu sgiliau allgymorth proffesiynol fel rhan o’u hastudiaethau.
Gallwch chi ofyn am y canlynol:
- Bwydlen gweithdy drama, cerddoriaeth neu gefn llwyfan
- Sesiwn holi ac ateb gyda’n perfformwyr cyn neu ar ôl y perfformiad (os yw eich grŵp myfyrwyr yn mynd i berfformiad mae’n rhaid talu amdano)
Dyddiau agored
Mae ein diwrnodau agored yn gyfle gwych i fyfyrwyr gael blas ar y Coleg a mwynhau awyrgylch ein prif adeilad, sydd nid yn unig yn conservatoire cerdd a drama blaenllaw ond hefyd yn ganolfan celfyddydau fywiog sy’n cynnal 500 o berfformiadau cyhoeddus y flwyddyn.
Dewch i grwydro ein campws, cwrdd â’n staff a’n myfyrwyr cyfeillgar, a chael blas ar sut beth yw astudio a byw yn ninas fywiog Caerdydd.
'Diolch o galon i chi gennyn ni. Cawson ni, y staff a’r myfyrwyr, ein syfrdanu gan y diwrnod.
Roedd y plant a ni fel staff yn siarad am Goleg Brenhinol Cerdd a Drama Cymru am weddill y penwythnos – a hyd yn oed heddiw pan yn ôl yn yr ysgol, mae’r plant yn dal i ofyn cwestiynau i mi! [...] Roedd pob eiliad yn wych.'Pete's Grammar SchoolCheltenham
Adnoddau addysg i athrawon
Mae ein pecynnau addysgol ar gyfer athrawon yn cynnwys cyfweliadau unigryw gydag aelodau allweddol o gast a thîm creadigol ein cynhyrchiadau a’n prosiectau diweddar.
Mae cynnwys recordiadau unigryw o’r ddrama yn golygu bod eich myfyrwyr yn gallu profi perfformiadau Coleg Brenhinol Cerdd a Drama Cymru ar-lein am y tro cyntaf.
Mae’r myfyrwyr dawnus sy'n rhan o'r cynhyrchiadau hyn yn rhannu eu canfyddiadau a'u safbwyntiau am y broses greadigol, y broses o ddatblygu eu cymeriadau, a'u perfformiadau mewn cyfweliad estynedig.
Mae cwestiynau’r cyfweliadau wedi cael eu llunio’n ofalus yn unol â manyleb TGAU Drama CBAC, ac yn sicrhau profiad perthnasol a chyfoethog i ddisgyblion ac athrawon.
Macbeth gan Shakespeare
Mae ein hadnodd addysgol newydd sbon ar gyfer athrawon yn cynnwys cyfweliadau unigryw gydag aelodau allweddol o gast a thîm creadigol ein cynhyrchiad diweddar o ‘Macbeth’ William Shakespeare.
Rhagor o wybodaeth
Iwl Cesar gan Shakespeare
Mae ein hadnodd addysgol newydd sbon ar gyfer athrawon yn cynnwys cyfweliadau unigryw gydag aelodau allweddol o gast a thîm creadigol ein cynhyrchiad diweddar o ‘Julius Caesar’ William Shakespeare.
Rhagor o wybodaeth
Dolenni defnyddiol
Ein gwaith gydag ysgolion a cholegau
Rydyn ni’n gweithio gyda dros 100 o ysgolion, colegau, mudiadau cymunedol ac elusennau bob blwyddyn i gynnig amrywiaeth eang o weithdai, perfformiadau a phrosiectau pwrpasol sy’n seiliedig ar y cwricwlwm i blant a phobl ifanc.
Rhagor o wybodaeth
Rhagor o wybodaeth am archebion ysgol
Boed eich bod yn trefnu noson allan gyda theulu a ffrindiau, taith i’ch cydweithwyr neu daith bws ar gyfer eich cymdeithas, rydym yma i’w gwneud hi mor hawdd â phosibl i chi ddod â pharti o 10 neu fwy o bobl i Goleg Brenhinol Cerdd a Drama Cymru.
Rhagor o wybodaeth
Ein cynnig cyn Coleg
Mae’r Coleg yn cynnig lle meithringar a chreadigol i bobl ifanc archwilio a datblygu eu talentau a’u sgiliau unigol. Rydyn ni’n eu grymuso i gyflawni eu potensial a chymryd y cam nesaf yn eu taith greadigol, beth bynnag fo hynny.
Rhagor o wybodaeth
