Corws Gwefrau Da

Mae Coleg Brenhinol Cerdd a Drama Cymru yn partneru â Parkinson's UK i greu grŵp canu i helpu pobl i reoli eu symptomau clefyd Parkinson yn well.

Allow Youtube content?

Lorem ipsum doler sit amet Youtube seto mor ameriloa. Porab le privacy policy et cookie policy. To view please accept below.

Mae'r grŵp rhad ac am ddim hwn yn agored i bawb, gyda ffocws penodol i bobl â chlefyd Parkinson a'u teuluoedd/gofalwyr ddod draw i gael hwyl wrth ganu!

Cewch gymryd rhan mewn ymarferion lleisiol, sesiynau cynhesu a chanu caneuon cyfarwydd a newydd gyda'r bwriad o gryfhau'r llais i weithio’n erbyn symptomau fel y lleferydd yn meddalu a cholli ffyrfder y cyhyrau sy'n gyffredin yng nghlefyd Parkinson.

Mae wedi’i ddangos bod canu yn lleihau symptomau clefyd Parkinson fel cryndod, a phroblemau o ran cerdded ac osgo. Mae hyn am ei fod yn helpu i ymlacio’r cyhyrau a rhyddhau tensiwn yn y cefn a'r gwddf. Gall canu hefyd helpu i leihau gorbryder a hwyliau isel trwy ostwng hormonau straen a chynyddu cemegau 'teimlo'n dda' yr ymennydd (endorffinau).

Ar ôl y sesiwn, mae cyfle i sgwrsio a rhannu newyddion am ddigwyddiadau a chyfleoedd i bobl â chlefyd Parkinson yn Ne Cymru.

Cost
Am ddim (lluniaeth ar gael i’w brynu)

Amserau’r sesiynau
Mae’r grŵp yn cyfarfod yn wythnosol am 12:30 ar ddydd Iau yng Nghyntedd Coleg Brenhinol Cerdd a Drama Cymru - nid oes angen archebu. Mae sesiynau’r côr yn para 90 munud, gyda chyfle i ymlacio a mwynhau lluniaeth o 2:00 i 2:30pm.

'Mae Côr Good Vibrations yn profi pam mae’r celfyddydau mewn gofal iechyd yn fuddsoddiad mor werthfawr. Mae amgylcheddau o ansawdd uchel a chynhwysol fel y rhain yn dod â chymunedau ynghyd tra’n helpu aelodau i wella eu hyder a’u lles a meithrin eu hannibyniaeth.’
Cari LangTîm Adsefydlu Niwrolegol Cymunedol, BIP Caerdydd a’r Fro

'O’r eiliad y daethom yma, rydym wedi bod wrth ein bodd, roedd yn anhygoel. Gwych, bendigedig, dyma uchafbwynt fy wythnos.’
Cyfranogwr Côr Good Vibrations

Roedd yn amlwg o siarad â’r teuluoedd a’r cleifion â chlefyd Parkinson eu bod yn teimlo bod y sesiynau canu wedi gwella eu hyder, eu lles meddyliol ond hefyd roedd eu clinigwyr wedi nodi gwelliant yn y mecanwaith llyncu, tannau'r llais ac wrth gwrs eu lleferydd ar gyfer cyfathrebu, sydd mor bwysig.’
Joanne BrandonBwrdd Iechyd Prifysgol Caerdydd a’r Fro

'O safbwynt lles, rwy’n credu ei fod yn anfesuradwy, mae’r côr yn wych. Mae pawb mor gyfeillgar, ac rwy’n credu bod y côr-feistr, Josh, yn gwneud yn siŵr fod popeth yn addas iawn i ni. Ac rwy’n credu bod hynny i gyd, wedi’i lapio mewn pêl fawr o lawenydd, yn beth mor gadarnhaol.’
Cyfranogwr Côr Good Vibrations