Urdd Gobaith Cymru

Drwy’r bartneriaeth strategol hon, mae’r Urdd a Choleg Brenhinol Cerdd a Drama Cymru yn cynnig cyfres o wobrau mawreddog yn Eisteddfod yr Urdd, un o’r gwyliau celfyddydau ieuenctid mwyaf yn Ewrop. Mae’r gwobrau hyn yn rhoi cyfleoedd i bobl ifanc greadigol eithriadol rhwng 19 a 25 oed, gan gynnwys:

• Sesiynau mentora gyda gweithwyr proffesiynol blaenllaw ym meysydd cerddoriaeth, drama, dawns a chynhyrchu.
• Cyfleoedd i berfformio a datblygu’n broffesiynol ar lwyfannau cenedlaethol a rhyngwladol.
• Cymorth ariannol tuag at hyfforddiant yn y disgyblaethau o’u dewis yn y dyfodol.

Mae’r fenter yn adlewyrchu cred y ddau sefydliad mewn meithrin potensial creadigol a chryfhau tirwedd ddiwylliannol Cymru drwy brofiadau a llwybrau ystyrlon tuag at yrfaoedd proffesiynol.

Gyda’i gilydd mae’r Urdd a Choleg Brenhinol Cerdd a Drama Cymru wedi cyflwyno chwe gwobr newydd sbon, sy’n dwyn enwau rhai o dalentau celfyddydol mwyaf Cymru ac yn cael eu hyrwyddo ganddynt. Bydd pob enillydd yn cael sesiynau mentora a chyfleoedd datblygu, i gydnabod talent eithriadol yn y meysydd canlynol:

• Gwobr Syr Bryn Terfel (canu)
• Gwobr Amy Dowden (dawns)
• Gwobr Callum Scott Howells (theatr gerdd)
• Gwobr Matthew Rhys (actio)
• Gwobr Rakhi Singh (offerynnol)
• Gwobr Sarah Hemsley-Cole (technegol a chefn llwyfan)

Bydd yr enillwyr yn cymryd rhan mewn sesiynau mentora personol gyda llysgenhadon eu gwobrau, gan ennill sgiliau, dealltwriaeth a phrofiad proffesiynol a all roi hwb i’w gyrfaoedd artistig.

Drwy weithio gyda’i gilydd, bydd yr Urdd a Choleg Brenhinol Cerdd a Drama Cymru yn sicrhau bod uchelgais creadigol pobl ifanc Cymru yn cael ei gydnabod a’i ddathlu. Mae’r cydweithrediad yn cyfuno un o lwyfannau diwylliannol pwysicaf Cymru i bobl ifanc, ynghyd ag arbenigedd y conservatoire cenedlaethol mewn hyfforddiant celfyddydol proffesiynol.Drwy weithio gyda’i gilydd, bydd yr Urdd a Choleg Brenhinol Cerdd a Drama Cymru yn sicrhau bod uchelgais creadigol pobl ifanc Cymru yn cael ei gydnabod a’i ddathlu. Mae’r cydweithrediad yn cyfuno un o lwyfannau diwylliannol pwysicaf Cymru i bobl ifanc, ynghyd ag arbenigedd y conservatoire cenedlaethol mewn hyfforddiant celfyddydol proffesiynol.

Urdd Gobaith Cymru yw mudiad ieuenctid cenedlaethol mwyaf Cymru ac mae’n darparu cyfleoedd celfyddydol, gwirfoddol, dyngarol, rhyngwladol a phreswyl, yn ogystal â chwaraeon, prentisiaethau a gweithgareddau awyr agored i blant a phobl ifanc drwy gyfrwng y Gymraeg. Eisteddfod yr Urdd yw un o wyliau teithiol mwyaf Ewrop i bobl ifanc.