![](/_next/image?url=https%3A%2F%2Fcdn.rwcmd.ac.uk%2Fimages%2FStaff%2F_2000x2000_fit_center-center_70_none%2FRWCMD-Uzo-Iwobi-044_2023-07-14-135635_eowq.jpg%3Fdate%3D2023-07-14T14%3A56%3A36%2B01%3A00&w=3840&q=75)
Helena Gaunt
Prifathro Coleg Brenhinol Cerdd a Drama Cymru
Rôl y swydd: Tiwtor Piano Jas, Tiwtor Dawn Gerddorol a Byrfyfyrio Allweddellau
Adran: Jazz
Pianydd a chyfansoddwr o Gymru yw Huw Warren, ac mae ganddo enw da yn rhyngwladol am greu cerddoriaeth arloesol ac eclectig. Mae ei chwarae a’i gyfansoddiadau wedi ymddangos ar rai o brif lwyfannau’r byd yn ogystal â chael eu darlledu’n aml. Mae Huw wedi ymddangos ar fwy na 50 o recordiadau, gan gynnwys cyfres o albymau hynod unigol o dan ei enw ei hun. Yn ganolog i’w ddull o addysgu jazz y mae’r diffiniad ehangaf posibl o’r genre, a ffocws ar ddatblygu’r llais unigol wrth fyrfyfyrio a chyfansoddi.
Mae Huw yn artist recordio i labeli Ewropeaidd blaenllaw ECM a CAM Jazz, ac mae hefyd yn cydweithio’n greadigol â’r cantorion June Tabor a Maria Pia de Vito a’r sacsoffonyddion Iain Ballamy a Mark Lockheart. Yn un o gyd-sylfaenwyr y band dylanwadol Perfect Houseplants yn y 1990au, roedd Huw yn rhan o grŵp o gerddorion jazz ym Mhrydain a oedd yn edrych am synau a dulliau newydd o ddylanwadau amrywiol. Bu cerddoriaeth Brasil yn rhan bwysig o’i fywyd cerddorol, gan wneud recordiadau helaeth o gerddoriaeth Hermeto Pascoal a chydweithio’n ddiweddar â Jovino Santos Neto, Adriano Adewale a Carlos Malta. Yn 2017, cafodd y cyfle i recordio gyda Maria Pia de Vito, Roberto Taufic a’r chwedlonol Chico Buarque o Brasil. Mae Huw yn cyfarwyddo Ensemble Brasilaidd CBCDC.
Dyfarnwyd y wobr BBC Jazz am Arloesedd a Gwobr Cymru Greadigol Cyngor Celfyddydau Cymru i Huw. Mae wedi ysgrifennu i lawer o ensembles gan gynnwys cerddorfeydd, corau, bandiau mawr, bandiau pres, ac arholiadau Jazz ABRSM. Mae Huw hefyd yn feirniad ar gystadleuaeth Cerddor Jazz Ifanc y BBC ac yn Bennaeth Ensembles Jazz ym Mhrifysgol Caerdydd.