BA Actio

Oherwydd nifer fawr yr ymgeiswyr sy’n mynychu ein clyweliadau actio, yn anffodus ni allwn roi adborth unigol. Bydd penderfyniad y panel yn derfynol.

Dim ond ar ddyddiau’r wythnos waith y trefnir clyweliadau; ni allwn gynnig unrhyw apwyntiadau ar benwythnosau.

Rydym yn anfon gwybodaeth am glyweliadau - gan gynnwys dolenni Zoom drwy e-bost. Weithiau gall negeseuon e-bost gael eu hanfon i ffolderi sothach, gwnewch yn siŵr eich bod yn gwirio eich ffolderi sothach hefyd. Os nad ydych wedi derbyn eich dolen Zoom erbyn y diwrnod cyn eich clyweliad, cysylltwch â ni. Peidiwch ag aros tan amser dechrau eich clyweliad.

Mae’r Coleg yn rhoi gwerth mawr ar y canlynol:

• Y gallu i ‘feddiannu’ cymeriad – i ddeall a datgelu ei seicoleg gymhleth.
• Y parodrwydd i fentro, ond i arfer peth soffistigeiddrwydd wrth wneud hynny.
• Graslonrwydd wrth weithio gydag eraill.
• Gallu technegol a mynegiannol o ran llais, symud a chanu.
• Diddordeb brwd a gwybodaeth am y theatr a’r celfyddydau perfformio perthynol.
• Profiad bywyd – rydym yn annog ymgeiswyr o ystod oedran eang.

Rydym hefyd yn gwneud yr argymhellion penodol canlynol:

• Gwnewch yn siŵr eich bod yn cofio’r darnau yr ydych wedi’u dewis yn dda.
• Osgowch areithiau gorboblogaidd. Os ydych wedi dewis darn o lyfr clyweliadau, mae’n debygol y bydd y panel wedi gweld y darn yn cael ei berfformio sawl gwaith o’r blaen.
• Osgowch areithiau gan gymeriadau sy’n llawer hŷn na chi, oni bai bod y teimladau ynddynt yn rhai oesol.
• Osgowch ddefnyddio acen heblaw eich acen ei hun, oni bai eich bod yn hollol gadarn ynddi.Osgowch areithiau ffôn.Gwisgwch ddillad priodol sy’n caniatáu i chi symud yn hawdd a chyfforddus.
• Peidiwch â defnyddio propiau.
• Mwynhewch y profiad!

• Gwnewch yn siŵr eich bod yn barod am eich clyweliad mewn man addas; ceisiwch wneud eich cefndir mor blaen â phosibl ac efallai y byddwch am greu ardal yn eich lleoliad fel y gallwch symud o gwmpas heb adael y ‘siot’.
• Gwnewch yn siŵr eich bod wedi’ch goleuo’n dda, bod eich dyfais recordio wedi’i gosod ar dreipod neu arwyneb gwastad, yn llinell eich llygaid. Bydd angen i ni allu gweld eich corff cyfan a hefyd dylech allu dod yn agos i’r camera.
• Os ydych chi’n defnyddio ffôn symudol, gosodwch eich dyfais yn llorweddol.
• Byddwch yn yr ystafell aros ychydig funudau cyn amser dechrau eich clyweliad.
• Gwnewch yn siŵr bod eich Wi-Fi mor gadarn â phosibl.
• Rydym yn argymell eich bod yn ymgyfarwyddo â Zoom cyn diwrnod eich clyweliad, gan gynnwys profi eich gosodiadau sain a llun. Efallai y byddai’n ddefnyddiol trefnu galwad brawf gyda ffrind neu aelod o’r teulu. Os yn bosibl, lawrlwythwch yr ap Zoom ymlaen llaw.
• Pan fyddwch yn mynd i mewn i’r ystafell aros ar gyfer eich clyweliad, dylai eich enw Zoom gyfateb i’ch enw ar eich cais UCAS Conservatoire.

Os oes gennych anabledd a/neu os oes gennych anghenion penodol, cysylltwch â ni yn uniongyrchol yn admissions@rwcmd.ac.uk i wneud yn siŵr ein bod yn gallu gwneud unrhyw drefniadau angenrheidiol mewn pryd ar gyfer eich clyweliad.