Julia Plaut

Rôl y swydd: Tiwtor Basŵn/Basŵn Baróc

Adran: Chwythbrennau

Anrhydeddau: MMUS (CBCDC), ARCM, Dip.RCM (athrawon)

Bywgraffiad Byr

Mae Julia Plaut wedi perfformio a recordio gyda llawer o ensembles cerddoriaeth gynnar gorau Prydain gan gynnwys The Academy of Ancient Music, English Baroque Soloists ac Orchestra of the Age of Enlightenment. Gan deithio'n helaeth yn Ewrop, yr Unol Daleithiau a Japan, mae Julia wedi perfformio yn Carnegie Hall, The Lincoln Centre, Musikverein Fienna, Concertgebouw Amsterdam a La Scala Milan.

Arbenigedd

Fel Prif Fasŵn Band Hanover, mae Julia wedi ymddangos fel unawdydd concerto ac ar BBC Radio 3 o Ŵyl Caeredin fel unawdydd yn Sinfonia Concertante Mozart. Recordiodd brosiect Symffonïau cyfan Haydn y Band. Adolygodd The Independent un o berfformiadau Julia ym Mhroms y BBC fel ‘chwythbrennau llawn cymeriad, gyda basŵn hynod argyhoeddiadol’.

Ar y basŵn modern, mae Julia wedi gweithio’n llawrydd gyda Cherddorfa Symffoni y BBC, BBC NOW a Cherddorfa yr Alban y BBC ymhlith eraill.

Mae Julia yn addysgwr brwdfrydig sy’n gweithio mewn gwahanol feysydd, yn amrywio o waith gyda chwaraewyr basŵn proffesiynol i waith Kodaly gyda phlant.

Fel Cyfarwyddwr Artistig yr elusen cerddoriaeth plant, Little Live Projects, mae Julia yn mwynhau curadu cyngherddau a chyfleoedd i deuluoedd ifanc ryngweithio’n greadigol â cherddoriaeth newydd a cherddorion. Mae Julia yn hyfforddi ac yn mentora myfyrwyr CBCDC i weithio’n arbenigol gyda phlant 0 -11 oed.

Fel cyfansoddwr, mae Julia yn ysgrifennu ar gyfer lleisiau; gan gynnwys opera siambr, corawl, Lied a chaneuon i blant, yn ogystal â gweithiau offerynnol mawr a bach. Mae ei cherddoriaeth wedi’i pherfformio yng Nghanolfan Mileniwm Cymru, Neuadd Dewi Sant, CBCDC, Gŵyl Lieder Leeds, The Guard’s Chapel Llundain, ac Eglwys Gadeiriol Llandaf.

Llwyddiannau Nodedig

Roedd yn anrhydedd i Julia arwain y perfformiad cyntaf o’i chyfansoddiad 24 PIANOS a gomisiynwyd gan CBCDC i ddathlu 24 o bianos Steinway newydd yn cyrraedd y Coleg yn 2020.