Frankie Carlin

Mae Frankie Carlin yn rheolwr llwyfan a rheolwr llawr llawrydd ar gyfer adrannau Cerddoriaeth ac Adloniant y BBC. A hithau wedi graddio o Goleg Brenhinol Cerdd a Drama Cymru, mae hi wedi cadw brwdfrydedd mawr dros theatr fyw a’r celfyddydau creadigol drwy gydol ei gyrfa.

Mae hi’n gweithio ar amrywiaeth o ddigwyddiadau byw a theledu uchel eu proffil, ochr yn ochr â’i gwaith yn darlithio a goruchwylio cynyrchiadau, lle mae hi’n mwynhau rhannu ei phrofiad yn y diwydiant gyda’r genhedlaeth nesaf o reolwyr llwyfan.

Mae Frankie yn arbenigo mewn rheoli llwyfan a rheoli llawr mewn darllediadau byw, gan weithio ar draws cerddoriaeth, adloniant a digwyddiadau byw mawr. Mae ei gwaith yn cwmpasu cynyrchiadau stiwdio a pherfformiadau mawr yn yr awyr agored, yn aml mewn amgylcheddau prysur, dan bwysau mawr.

Ochr yn ochr â’i gwaith proffesiynol, mae hi’n addysgu ac yn goruchwylio cynyrchiadau mewn addysg uwch, gan gefnogi myfyrwyr i ddatblygu sgiliau rheoli llwyfan ymarferol sy’n barod ar gyfer y diwydiant.

Mae Frankie wedi gweithio ar amrywiaeth eang o gynyrchiadau mawr gan y BBC, gan gynnwys cystadleuaeth BBC Canwr y Byd Caerdydd a chystadleuaeth Cerddor Ifanc y BBC. Mae ei llwyddiannau ym maes cerddoriaeth fyw yn cynnwys Gregory Porter at Christmas, Stereophonics, a Tom Jones yn Stadiwm Principality.

Hi oedd y rheolwr llawr ar adeg ymweliad y Brenin ag Eglwys Gadeiriol Llandaf yn dilyn marwolaeth y Frenhines. 

Mae ei gwaith ehangach mewn darlledu a digwyddiadau byw yn cynnwys BAFTA Cymru, yn ogystal â nifer o ddigwyddiadau yng Nghanolfan Mileniwm Cymru a Neuadd Dewi Sant.