Philippa Mannion

Mae Philippa yn rheolwr llwyfan, gwneuthurwr theatr a chynhyrchydd sydd â’i gwaith wedi’i wreiddio mewn angerdd hirsefydlog am ysgrifennu newydd, cydweithio creadigol ac ymarfer rhyngddisgyblaethol. Ar ôl graddio o Brifysgol Glasgow, dechreuodd ei gyrfa fel gweinyddwr yn Playwrights’ Studio, Scotland,  gan gefnogi awduron yn dod i’r amlwg a chael cipolwg cynnar ar ddatblygiad gwaith newydd. Symudodd wedyn i Lundain, gan weithio gyda Julie’s Bicycle, Actors Touring Company a Theatr Greenwich, lle ehangodd ei sgiliau ar draws gwaith gweinyddu yn y sector celfyddydau, teithio ac ymarfer creadigol cynaliadwy.

Yn 2014, daeth Philippa yn Gydlynydd Prosiect ar gyfer Nutkhut, sefydliad celfyddydau perfformio De Asiaidd Prydeinig, gan gefnogi ei bortffolio o waith a digwyddiadau awyr agored ar raddfa fawr. Ochr yn ochr â hyn, cydsefydlodd Theatr View From Here ac, mewn cydweithrediad â Theatre503, cyflwynodd sawl gŵyl o ysgrifennu newydd. Yn ddiweddarach, symudodd i waith rheoli llwyfan llawrydd.

Mae Philippa yn ffynnu ar weithio’n uniongyrchol gydag artistiaid, cyfarwyddwyr a thimau creadigol, gan hyrwyddo syniadau o’r camau ymchwil a datblygu cynnar hyd at greu cynhyrchiad llawn. Mae ganddi brofiad amrywiol ar draws theatr ar raddfa fach a chanolig, gwyliau a theithio rhanbarthol.

Mae ei gwaith yn cynnwys rheoli llwyfan, creu theatr a chynhyrchu, gyda ffocws cryf ar ddatblygu cydweithredol a chefnogi gwaith newydd mewn lleoliadau perfformio traddodiadol ac anhraddodiadol.

Mae ei phrosiectau’n cynnwys y canlynol:

User Not Found aTake On Me (Dante or Die – teithiau yn y DU ac yn rhyngwladol)
Nightmare Scenario (Operasonic / Riverfront, Casnewydd)
XXXmas Carol a The First XXXmas (Canolfan Mileniwm Cymru)
Grandmother’s Closet (Canolfan Mileniwm Cymru / Ffrinj Caeredin/ Det Andre Teatret, Oslo)
An Audience with Milly Liu (Theatr Sherman / Ffrinj Caeredin / Contact, Manceinion)
Queerway (Leeway Productions – taith De Cymru)
Baba Joon (Grand Ambition / Prifysgol Talaith San Jose)
Odyssey ’84 (Theatr Sherman)
Polly & Esther (Theatr Sherman/ Ffrinj Caeredin / Ffrinj Adelaide)
The Odyssey (Opera Ieuenctid WNO)

Mae Philippa yn aelod o Equity, Pwyllgor Cenedlaethol Cymru.