Mae clyweliadau Cerddoriaeth ar gyfer CBCDC yn dod i Theatr Clwyd yng Ngogledd Cymru!
Os ydych chi wedi gwneud cais i astudio yng Ngholeg Brenhinol Cerdd a Drama Cymru (CBCDC), rydym yn cynnig nifer o glyweliadau yn nes at adref. Eleni, am y tro cyntaf, cynhelir nifer o glyweliadau yn ein safle partner rhanbarthol, Theatr Clwyd.
Am y tro cyntaf mae CBCDC yn cynnig nifer o glyweliadau cyrsiau Cerddoriaeth israddedig yn Theatr Clwyd, gan roi cyfle i ymgeiswyr yng Ngogledd Cymru gael clyweliad yn nes at adref.
Cael clyweliad yn nes at adref
Ydych chi wedi’ch lleoli yng Ngogledd Cymru neu ychydig dros y ffin? Gallwch nawr wneud clyweliad ar gyfer CBCDC heb orfod teithio i Gaerdydd. Mae ein clyweliadau yn Theatr Clwyd yn ei gwneud hi’n haws cymryd y cam nesaf tuag at astudio Cerddoriaeth yn y Coleg.
Amgylchedd creadigol proffesiynol
Cynhelir clyweliadau yn Theatr Clwyd, un o sefydliadau celfyddydol blaenllaw Cymru a Phartner Rhanbarthol CBCDC. Mae’n gyfle gwych i wneud clyweliad mewn amgylchedd creadigol proffesiynol, yma yng Ngogledd Cymru.
Profiad clyweliad CBCDC
Dangoswch i ni beth allwch chi ei wneud, rhannwch eich potensial cerddorol a dysgwch fwy am astudio yn CBCDC. Bydd ein tîm yno i’ch arwain drwy’r broses clyweliad ac ateb unrhyw gwestiynau sydd gennych.
Dod i adnabod y tîm
Gallwch ddod i adnabod Tîm Cerddoriaeth CBCDC, gofyn gwestiynau am eich cwrs a darganfod sut brofiad yw bywyd yn y Coleg mewn gwirionedd. P’un a ydych chi eisiau gwybod mwy am yr hyfforddiant, cyfleoedd i berfformio neu fywyd myfyrwyr, rydym yma i helpu.
Os gwnaethoch fethu’r dyddiad cau ar gyfer ystyriaeth gyfartal ar 1 Hydref, peidiwch â phoeni – efallai y gallwn ddal ystyried eich cais. Cysylltwch â’n tîm Derbyniadau i drafod eich opsiynau a gweld a allwch wneud cais hwyr.
Bydd e-bost yn cael ei anfon yn gofyn i chi gadarnhau eich cyfeiriad. Edrychwch yn eich ffolder sbam / sothach os nad yw'r e-bost yn cyrraedd o fewn ychydig funudau
Mae’r Coleg yn cymryd diogelu pob gwybodaeth bersonol o ddifrif ac mae wedi ymrwymo’n llwyr i ddiogelu hawliau a rhyddid pob unigolyn. Byddwn yn prosesu eich data yn unol â’n datganiad preifatrwydd, y gallwch ei ddarllen yn https://www.rwcmd.ac.uk/cy/privacy
