Shiva Feshareki a Cyfansoddwyr CBCDC: Liquid Ziggurat

Mae’r cyfansoddwr, artist a throellwr disgiau o dras Prydeinig-Iranaidd, Shiva Feshareki, yn dod ynghyd â chyfansoddwyr CBCDC i gyflwyno Liquid Ziggurat – sef gosodiad-berfformiad 3D arloesol. Gan gymryd ysbrydoliaeth o Dreftadaeth Bersiaidd Feshareki, mae’n cysylltu sain a dirgryniad â phatrymau sy’n digwydd yn naturiol yn y bydysawd. Mae hon yn ffurf newydd o greu cerddoriaeth gyda fersiynau sy’n esblygu’n barhaus ac yn dangos sain fel deunydd hylifol. Trwy gysylltu cerddoriaeth ag amrywiaeth o ddisgyblaethau, mae’n dangos sut mae popeth yn gysylltiedig â’i gilydd.