Drama

• Byddwch yn cael eich addysgu gan dîm o weithwyr proffesiynol o bob rhan o’r diwydiant sydd â degawdau o brofiad.
• Mae hyn yn golygu y bydd eich cwrs yn gyfredol ag arferion gwirioneddol y diwydiant, gan eich paratoi ar gyfer gwaith yn y diwydiannau creadigol y funud y byddwch yn graddio.
• Bydd eich hyfforddiant trylwyr yn cynnwys nifer o gyfleoedd i ennill profiad ymarferol – ni waeth beth rydych chi’n dewis arbenigo ynddo.
• Mae’r cyfleoedd hyn yn cynnwys cymryd rhan mewn prosiectau a chynyrchiadau amrywiol a gynhelir yma yn y Coleg ac mewn sefydliadau fel y BBC, y Royal Shakespeare Company, y National Theatre, y National Theatre of Wales, Theatr Sherman a’r Royal Court.
• Mae ein partneriaethau cryf â’r diwydiant, sy’n cynnwys llawer o’r prif sefydliadau celfyddydol a chwmnïau yn y DU, yn sail i’n hyfforddiant ac yn eich cysylltu â darpar gyflogwyr.
• Mae dysgu ar y cyd wedi’i wreiddio ym mhob un o’n cyrsiau. Gyda’ch hyfforddiant mewn canolfan gelf o’r radd flaenaf, byddwch yn cael cyfleoedd i weithio gyda myfyrwyr a staff o bob rhan o’r Coleg. Nid yn unig y mae’n adlewyrchu’r hyn y byddwch yn ei brofi yn y byd proffesiynol, ond mae hefyd yn rhoi cyfle i chi ddechrau adeiladu partneriaethau parhaol hefyd.
• Yn eich blwyddyn olaf, byddwch yn dod yn aelod o gwmni cynhyrchu mewnol y Coleg, sef Cwmni Richard Burton. Gan weithio gyda chyfarwyddwyr proffesiynol, mae’r cwmni’n cynhyrchu tua 15 sioe bob blwyddyn, o ddramâu clasurol i ddramâu cyfoes arloesol.
• Byddwch hefyd yn cael cyfle i weithio gyda chwmnïau ac artistiaid sy’n ymweld â’n campws bob blwyddyn. Mae rhyngweithio fel hyn yn eich helpu i greu rhwydwaith o gysylltiadau, yn ogystal â chynnig profiad gwerthfawr sy’n deillio o weithio ochr yn ochr â gweithwyr proffesiynol yn y diwydiant mewn amgylchedd creadigol.
• Mae maint ein dosbarthiadau yn fach er mwyn i’n tiwtoriaid allu canolbwyntio ar eich anghenion penodol chi – maen nhw hefyd yn helpu i feithrin ysbryd o gydweithio a chreadigrwydd rhyngoch chi a’ch cyd-fyfyrwyr.
• Bydd ymarferwyr rhyngwladol enwog yn ymweld â’r Coleg yn rheolaidd, a byddwch yn cael cyfleoedd i fynychu eu dosbarthiadau a’u sgyrsiau. Mae’r sesiynau hyn yn gyfle i chi drafod ag arbenigwyr y diwydiant a chael cipolwg gwerthfawr ar y gwaith a’r cyfleoedd yn eich maes ac o’i gwmpas.
• Rydyn ni’n cynnig rhai o’r cyfleusterau a’r offer gorau a mwyaf amrywiol yn y wlad, gan eich galluogi i gael profiad o weithio gyda gwahanol agweddau technegol ar waith y tu ôl i’r llwyfan, gan gynnwys gwaith llaw, gwrthbwysau a systemau hedfan a llwyfannu sy’n gwbl awtomatig.
• Mae’n golygu mwy na meistroli’r sgiliau technegol a chreadigol i ffynnu yn eich maes astudio penodol chi. Drwy gydol eich cwrs, byddwch hefyd yn canolbwyntio ar ddysgu sgiliau trosglwyddadwy a chyflogadwyedd, a all eich helpu i gynnal gyrfa mewn unrhyw leoliad creadigol proffesiynol.
• Mae ein graddedigion diweddar wedi ymddangos mewn cynyrchiadau yn y West End, gan gynnwys Heathers, Jersey Boys, Cabaret, Phantom of the Opera a Les Misérables, yn ogystal â theithio gyda chynyrchiadau ar raddfa lai yn y DU a thu hwnt.
• Ar y sgrin, mae ein graddedigion wedi ymddangos yn Killing Eve, Black Mafia Family, It's a Sin, The Split, Fleabag, Anne Boleyn, Gavin and Stacey, Versailles a Blue Lights.
• Ar y llwyfan, mae ein graddedigion wedi ymddangos yn Richard III (y Royal Shakespeare Company), Julie (y National Theatre), A Streetcar Named Desire (Almeida/y West End), Harry Potter and the Cursed Child (y West End/Broadway), A Doll’s House (y Lyric Hammersmith) ac I, Joan (Theatr y Globe).

O’r 10 cynhyrchiad Coleg y byddwch yn gweithio arnynt dros y tair blynedd, gellir treulio hyd at bedwar ohonynt gyda chwmnïau allanol. Mae lleoliadau blaenorol wedi cynnwys sefydliadau cenedlaethol allweddol fel y National Theatre, Royal Shakespeare Company, Shakespeare’s Globe, Neg Earth, White Light, PRG, Delta Audio, Two Trucks Production a gwyliau mawr fel Glastonbury a Download. Mae ein myfyrwyr hefyd wedi gweithio’n rhyngwladol, yn America ac ar draws Ewrop. 

Mae gan Gymru sector diwydiant creadigol ffyniannus a chyfleoedd ar gyfer rheoli llwyfan mewn cwmnïau lleol mawr eu bri megis Bad Wolf, Gwasanaethau Theatrig Caerdydd, Bay Productions, Wild Creations, Stage Sound Services, Canolfan Mileniwm Cymru, Theatr Sherman ymhlith eraill. 

Mae’r diwydiant teledu yn ffynnu’n fawr yng Nghaerdydd a gall myfyrwyr greu gyrfa o bwys iddynt eu hunain yn syth o’r Coleg. Mae llawer o’n graddedigion wedi mynd yn syth o’u profiad gwaith Coleg gyda chwmni i gyflogaeth. Roedd gan His Dark Materials bron i 30 o raddedigion CBCDC yn gweithio ar y cynyrchiad. Mae Discovery of Witches, The Pact a’r gyfres newydd o Doctor Who i gyd wedi’u lleoli yng Nghaerdydd.