Jazz Cenedlaethol Ieuenctid Cymru

CBCDC Ifanc

Ysgolian haf

Celfyddydau Cynhyrchu

22 Gorffennaf | 10am – 4pm Coleg Brenhinol Cerdd a Drama Cymru, Caerdydd £50 y pen | 15–18 oed
O’r cysgodion yn dilyn cynhyrchiad clodfawr Coleg Brenhinol Cerdd a Drama Cymru o Sweeney Todd, daw'r gweithdy undydd hwn sy’n edrych ar fyd dramatig colur effeithiau arbennig ar gyfer y llwyfan – lle mae'r arswyd a theatr yn dod ynghyd!
Sesiwn greadigol ac ymarferol yw Effeithiau Llwyfan: Cleisiau, Creithiau a Gwaed sy’n edrych ar sut i greu clwyfau, cleisiau, creithiau ac effeithiau gwaed realistig yn ddiogel ac yn effeithiol ar gyfer perfformiadau byw. Perffaith ar gyfer artistiaid colur, dylunwyr a’r rhai sydd wrth eu bodd â theatr arswyd.
Bydd y cyfranogwyr yn:
<ul>
 <li>Dysgu technegau proffesiynol ar gyfer creu cleisiau, briwiau, llosgiadau ac effeithiau gwaed</li>
 <li>Edrych ar gynhyrchion a deunyddiau a ddefnyddir yn y theatr (o’u cymharu â rhai ar gyfer ffilm neu deledu)</li>
 <li>Deall sut mae addasu colur ar gyfer goleuadau llwyfan a chynulleidfaoedd byw</li>
 <li>Ymarfer dulliau rhoi a thynnu diogel</li>
 <li>Gweithio gyda sgriptiau a briffiau cymeriadau i greu edrychiad theatrig</li>
</ul>
Dan arweiniad artistiaid colur llwyfan proffesiynol, dyma gyfle perffaith i bobl ifanc greadigol feithrin sgiliau ymarferol a dod â'u dychymyg theatrig yn fyw.
Mae lleoedd yn brin – archebwch nawr, a byddwch yn barod i bethau fynd yn flêr (yn y ffordd orau bosib)

22 Gorffennaf | 10am – 4pm Coleg Brenhinol Cerdd a Drama Cymru, Caerdydd £50 y pen | 11–14 oed
Camwch i'r sbotolau – neu ddysgu sut i greu un! Ein gweithdy Cyflwyniad i Oleuo ar gyfer y Theatr yw’r profiad ymarferol perffaith i bobl ifanc sy'n chwilfrydig am yr hyn sy'n digwydd y tu ôl i'r llenni mewn theatr.
Bydd y diwrnod hwyliog ac ymarferol hwn, a gynhelir yng Ngholeg Brenhinol Cerdd a Drama Cymru, yn edrych ar sut mae goleuadau'n cael eu defnyddio i ddod â straeon yn fyw ar y llwyfan.
Yn ystod y gweithdy, bydd y cyfranogwyr yn:
<ul>
 <li>Dysgu sut mae golau'n newid naws, amser a lle mewn perfformiad</li>
 <li>Dysgu am wahanol fathau o oleuadau theatr a sut maen nhw'n gweithio</li>
 <li>Rhoi cynnig ar reolyddion goleuo syml a geliau lliw</li>
 <li>Creu eu dyluniad goleuo bach eu hunain</li>
 <li>Gweithio fel tîm i oleuo golygfa fer</li>
</ul>
Dan arweiniad tiwtoriaid cyfeillgar a phrofiadol, mae'r sesiwn wedi'i chynllunio i fod yn ddiddorol ac yn hygyrch, ac i feithrin hyder – does dim angen profiad, dim ond chwilfrydedd a brwdfrydedd!
Mae lleoedd yn brin – archebwch nawr a gadewch i'ch dychymyg oleuo'r llwyfan!

23 Gorffennaf | 10am – 4pm Coleg Brenhinol Cerdd a Drama Cymru, Caerdydd £50 y pen | 15–18 oed I bobl ifanc sydd â phrofiad o oleuo neu sydd wedi bod mewn gweithdy goleuo yng Ngholeg Brenhinol Cerdd a Drama Cymru o'r blaen
Ewch â'ch sgiliau goleuo i'r lefel nesaf yn y gweithdy uwch hwn sydd wedi'i lunio ar gyfer pobl ifanc greadigol sydd eisoes â rhywfaint o wybodaeth sylfaenol am oleuo ar gyfer y llwyfan.
Yn y gweithdy Golau a Stori: Dylunio ar gyfer y Llwyfan, bydd y cyfranogwyr yn edrych ar sut i greu dyluniadau goleuo deinamig a mynegiannol sy'n cyfleu atmosffer, cymeriad a naratif. Drwy brofiad ymarferol mewn lleoliad proffesiynol, bydd y gweithdy hwn yn helpu i ddyfnhau eich dealltwriaeth o oleuo fel offeryn adrodd straeon creadigol.
Bydd y cyfranogwyr yn:
<ul>
 <li>Archwilio cysyniadau goleuo uwch gan gynnwys damcaniaeth lliwiau, cysgod a symudiad</li>
 <li>Arbrofi gyda chreu ciwiau a thrawsnewidiadau</li>
 <li>Dysgu sut i ddehongli sgript neu olygfa o safbwynt dylunydd goleuo</li>
 <li>Creu a rhaglennu eu dyluniadau goleuo bach eu hunain</li>
 <li>Cydweithio i oleuo perfformiad byr</li>
</ul>
Dan arweiniad dylunwyr goleuo a thiwtoriaid technegol profiadol, mae'r sesiwn hon yn ddelfrydol ar gyfer y rhai sy'n ystyried hyfforddiant pellach yn y celfyddydau cynhyrchu neu sy'n awyddus i adeiladu ar eu sgiliau presennol.
Mae lleoedd yn brin – archebwch nawr i fireinio’r grefft o oleuo ar gyfer y llwyfan!

23 Gorffennaf | 10am – 4pm Coleg Brenhinol Cerdd a Drama Cymru, Caerdydd £50 y pen | 11–14 oed
Agorwch eich dychymyg a dewch â chymeriadau'n fyw drwy ddylunio gwisgoedd! Yn y gweithdy lliwgar, ymarferol hwn, bydd y cyfranogwyr yn edrych ar sut gall dillad, gwead, lliw a siâp adrodd straeon pwerus ar y llwyfan ac ar y sgrin.
Dyma weithdy perffaith ar gyfer pobl ifanc greadigol sydd wrth eu boddau â ffasiwn, celf neu’r theatr. Mae’n gyflwyniad i fyd cyffrous celf wisgadwy – lle mae creadigrwydd a gwisgoedd yn cwrdd!
Yn ystod y gweithdy, bydd y cyfranogwyr yn:
<ul>
 <li>Dysgu sut mae dylunwyr gwisgoedd yn datblygu syniadau o sgriptiau a chymeriadau</li>
 <li>Arbrofi gyda braslunio, byrddau naws a samplau o ddefnyddiau</li>
 <li>Creu eu gwisgoedd bach eu hunain neu ddarnau celf gwisgadwy</li>
 <li>Archwilio siâp, lliw a gwead wrth greu cymeriadau</li>
 <li>Clywed gan weithwyr proffesiynol sy'n gweithio mewn adrannau gwisgoedd theatr a ffilm</li>
</ul>
Dan arweiniad dylunwyr a gwneuthurwyr gwisgoedd profiadol, bydd y sesiwn hon yn annog y cyfranogwyr i ddefnyddio dychymyg, mynegiant a chreadigrwydd ymarferol – does dim angen sgiliau gwnïo!
Mae lleoedd yn brin – archebwch nawr a dylunio rhywbeth bythgofiadwy!

24 Gorffennaf | 10am – 4pm Coleg Brenhinol Cerdd a Drama Cymru, Caerdydd £50 y pen | 15–18 oed
Camwch i fyd dylunio digidol ar gyfer y theatr gyda'r cyflwyniad ymarferol hwn i Ddylunio â Chymorth Cyfrifiadur (CAD)
ar gyfer y llwyfan.
Dyma weithdy perffaith ar gyfer pobl ifanc greadigol sydd â diddordeb mewn rolau cefn llwyfan, pensaernïaeth neu ddylunio. Bydd y gweithdy hwn yn archwilio sut mae dylunwyr theatr proffesiynol yn defnyddio meddalwedd CAD i droi cysyniadau creadigol yn gynlluniau, modelau a lluniadau gwaith manwl ar gyfer cynyrchiadau go iawn.
Bydd y cyfranogwyr yn:
<ul>
 <li>Dysgu hanfodion meddalwedd CAD a ddefnyddir yn y diwydiant theatr</li>
 <li>Archwilio sut mae modelu cydrannau a drafftio cynlluniau uwcholwg (ground) ac ochrolwg (elevation) yn ddigidol</li>
 <li>Deall sut mae cysyniadau dylunio penodol yn cael eu datblygu o'r sgript i'r llwyfan</li>
 <li>Arbrofi ag offer digidol i ddelweddu eu syniadau eu hunain ar gyfer dyluniadau llwyfan</li>
 <li>Cael cipolwg ar yrfaoedd y tu ôl i'r llwyfan ym maes dylunio, theatr dechnegol a chynhyrchu</li>
</ul>
Dan arweiniad dylunwyr theatr proffesiynol a thiwtoriaid technegol, mae hwn yn gyfle gwych i fynd i'r afael ag ochr ddigidol dylunio, ac i archwilio posibiliadau technoleg greadigol mewn perfformiadau byw.
Mae lleoedd yn brin – archebwch nawr a dod â’ch dyluniadau digidol yn fyw!

24 Gorffennaf | 10am – 4pm Coleg Brenhinol Cerdd a Drama Cymru, Caerdydd £50 y pen | 11–14 oed
Ydych chi erioed wedi meddwl sut mae effeithiau sain yn cael eu creu, sut mae microffonau'n gweithio, neu sut mae lleisiau a cherddoriaeth yn llenwi theatr? Ymunwch â ni am ddiwrnod ymarferol llawn hwyl yn archwilio byd cyffrous sain y theatr!
Yn y gweithdy Cyflwyniad i Sain hwn, bydd y bobl ifanc yn darganfod hud sain mewn perfformiad. O seinweddau a thechnegau adrodd stori i feicroffonau a desgiau cymysgu, mae'r gweithdy hwn yn cynnig golwg ddiddorol y tu ôl i'r llenni ar grefft llwyfan.
Bydd y cyfranogwyr yn:
<ul>
 <li>Dysgu sut mae sain yn cael ei defnyddio i adrodd straeon a chreu awyrgylch</li>
 <li>Edrych ar feicroffonau, seinyddion ac offer sain sylfaenol</li>
 <li>Rhoi cynnig ar recordio a chwarae effeithiau sain</li>
 <li>Creu eu dyluniadau sain bach eu hunain</li>
 <li>Gweithio fel tîm i ddod â golygfa fer yn fyw gyda sain</li>
</ul>
Dan arweiniad technegwyr sain profiadol mewn amgylchedd cefnogol, mae'r gweithdy hwn yn berffaith ar gyfer meddyliau ifanc chwilfrydig sydd wrth eu bodd â’r theatr, cerddoriaeth neu dechnoleg – does dim angen profiad!
Mae lleoedd yn brin – archebwch nawr rhag ofn i chi gael eich siomi!

24 Gorffennaf | 10am – 4pm Coleg Brenhinol Cerdd a Drama Cymru, Caerdydd £50 y pen | 15–18 oed
Camwch y tu ôl i'r llenni ac i fyd cynhyrchu fideos yn y gweithdy undydd cyffrous hwn, sydd wedi'i lunio'n arbennig ar gyfer pobl ifanc.
Mae'r sesiwn ymarferol hon, a gynhelir yng Ngholeg Brenhinol Cerdd a Drama Cymru, yn rhoi cyflwyniad ymarferol i elfennau allweddol y broses cynhyrchu fideos. Os oes gennych chi ddiddordeb mewn ffilm, theatr, creu cynnwys neu gelfyddydau cefn llwyfan, mae'r gweithdy hwn yn gyfle perffaith i gael mewnwelediad a phrofiad go iawn.
Yn ystod y gweithdy, bydd y cyfranogwyr yn:
<ul>
 <li>Dysgu sut i ddefnyddio offer fideo proffesiynol</li>
 <li>Deall egwyddorion fframio, goleuo a sain ar gyfer fideos</li>
 <li>Cydweithio i gynllunio a ffilmio golygfeydd byrion</li>
 <li>Cael cyflwyniad i dechnegau golygu fideo sylfaenol</li>
 <li>Edrych ar sut mae fideo'n cael ei ddefnyddio mewn lleoliadau perfformio a chynhyrchu byw</li>
</ul>
Dan arweiniad gweithwyr proffesiynol profiadol yn y diwydiant, dyma sesiwn ddelfrydol ar gyfer y rhai sy'n chwilfrydig am ddyfodol ym maes y cyfryngau, cynyrchiadau theatr neu'r celfyddydau digidol.
Mae lleoedd yn brin – archebwch yn gynnar!

25 Gorffennaf | 10am – 4pm Coleg Brenhinol Cerdd a Drama Cymru, Caerdydd £50 y pen | 15–18 oed
Dewch i archwilio celfyddyd greadigol a thechnegol sain mewn perfformiadau byw yn y gweithdy ymarferol hwn i bobl ifanc.
Mae Dylunio Sain mewn Perfformiadau yn rhoi cyflwyniad cyffrous i rôl sain ym meysydd y theatr, digwyddiadau a'r cyfryngau. Os oes gennych chi ddiddordeb mewn technoleg llwyfan, cynhyrchu cerddoriaeth, neu adrodd straeon, bydd y gweithdy hwn yn gwella eich dealltwriaeth o sut mae sain yn llywio profiad cynulleidfa.
Yn ystod y diwrnod, bydd y cyfranogwyr yn:
<ul>
 <li>Dysgu egwyddorion dylunio sain ar gyfer y llwyfan a’r sgrin</li>
 <li>Edrych ar feicroffonau, cymysgwyr, a gosodiadau sain byw a gwrando’n ôl</li>
 <li>Creu a thrin effeithiau sain a seinweddau</li>
 <li>Defnyddio ciwiau a meddalwedd i raglennu dyluniad sain sylfaenol</li>
 <li>Cydweithio i ddod â pherfformiad byr yn fyw gyda sain</li>
</ul>
Dan arweiniad dylunwyr a thechnegwyr sain proffesiynol, mae'r sesiwn hon yn ddelfrydol ar gyfer unrhyw un sy'n ystyried dyfodol yn y celfyddydau neu'r cyfryngau cynhyrchu – does dim angen profiad blaenorol, dim ond creadigrwydd a diddordeb mewn sain!
Mae lleoedd yn brin – archebwch eich lle nawr i godi lefel eich sgiliau a chodi’r to!

25 Gorffennaf | 10am – 4pm Coleg Brenhinol Cerdd a Drama Cymru, Caerdydd £50 y pen | 15–18 oed I bobl ifanc sydd â phrofiad blaenorol neu sydd wedi bod mewn gweithdy dylunio gwisgoedd yng Ngholeg Brenhinol Cerdd a Drama Cymru o'r blaen
Cewch dreiddio'n ddyfnach i fyd gwisgoedd theatrig yn y gweithdy ymarferol uwch hwn sydd wedi'i lunio ar gyfer pobl ifanc greadigol.
Dyma sesiwn berffaith ar gyfer y rhai sydd eisoes â rhywfaint o brofiad neu ddiddordeb mewn dylunio ar gyfer y theatr ac sydd eisiau datblygu eu sgiliau ymhellach o ran dehongli cymeriadau, adrodd straeon yn weledol, a chysyniadau gwisgoedd sy'n barod ar gyfer y llwyfan.
Bydd y cyfranogwyr yn:
<ul>
 <li>Edrych ar sut mae gwisgoedd yn cefnogi naratif, cymeriad a genre</li>
 <li>Dadansoddi darnau o sgript ac arddulliau perfformio i lywio dewisiadau dylunio</li>
 <li>Creu brasluniau manwl o wisgoedd gan ddefnyddio technegau a deunyddiau proffesiynol</li>
 <li>Arbrofi gyda samplau o ddefnyddiau, gweadau ac amlinell</li>
 <li>Ystyried ymarferoldeb dylunio ar gyfer perfformiad byw, gan gynnwys symud, newid yn gyflym a chydweithio ag adrannau eraill</li>
</ul>
Dan arweiniad gweithwyr proffesiynol yn y diwydiant mewn amgylchedd creadigol a chefnogol, mae'r gweithdy hwn yn rhoi cipolwg go iawn ar fyd gwisgoedd theatrig ac yn annog cyfranogwyr i feddwl fel dylunwyr.
Mae lleoedd yn brin – archebwch nawr a dod â’ch gwisgoedd yn fyw ar y llwyfan!

25 Gorffennaf | 10am – 4pm Coleg Brenhinol Cerdd a Drama Cymru, Caerdydd £50 y pen | 11–14 oed
Camwch y tu ôl i'r llenni ac i fyd cynhyrchu fideos yn y gweithdy undydd cyffrous hwn, sydd wedi'i lunio'n arbennig ar gyfer pobl ifanc.
Mae'r sesiwn ymarferol hon, a gynhelir yng Ngholeg Brenhinol Cerdd a Drama Cymru, yn rhoi cyflwyniad ymarferol i elfennau allweddol y broses cynhyrchu fideos. Os oes gennych chi ddiddordeb mewn ffilm, theatr, creu cynnwys neu gelfyddydau cefn llwyfan, mae'r gweithdy hwn yn gyfle perffaith i gael mewnwelediad a phrofiad go iawn.
Yn ystod y gweithdy, bydd y cyfranogwyr yn:
<ul>
 <li>Dysgu sut i ddefnyddio offer fideo proffesiynol</li>
 <li>Deall egwyddorion fframio, goleuo a sain ar gyfer fideos</li>
 <li>Cydweithio i gynllunio a ffilmio golygfeydd byrion</li>
 <li>Cael cyflwyniad i dechnegau golygu fideo sylfaenol</li>
 <li>Edrych ar sut mae fideo'n cael ei ddefnyddio mewn lleoliadau perfformio a chynhyrchu byw</li>
</ul>
Dan arweiniad gweithwyr proffesiynol profiadol yn y diwydiant, dyma sesiwn ddelfrydol ar gyfer y rhai sy'n chwilfrydig am ddyfodol ym maes y cyfryngau, cynyrchiadau theatr neu'r celfyddydau digidol.
Mae lleoedd yn brin – archebwch yn gynnar!

Cefnogir YPPA gan Bad Wolf.<a href="https://bad-wolf.com/" target="_blank" rel="noreferrer noopener"></a>

Hafan

Breadcrumbs

Mae Coleg Brenhinol Cerdd a Drama Cymru yn denu’r doniau creadigol gorau o bob rhan o’r byd. Fel conservatoire cenedlaethol Cymru, rydym yn tanio dychymyg ac yn ysgogi arloesedd, gan gynnig hyfforddiant i bron i 1000 o actorion, cerddorion, cynllunwyr, technegwyr a rheolwyr yn y celfyddydau o dros 40 o wledydd. Mae'r Coleg yn cyflwyno cannoedd o ddigwyddiadau'r flwyddyn, o gyngherddau cerddorfaol a datganiadau i ddrama, opera, jazz, cerddoriaeth newydd a theatr gerddorol, wedi'u perfformio gan ein myfyrwyr ac amrywiaeth eang o artistiaid o'r safon uchaf o bob rhan o'r byd.

Coleg Celfyddydau Cenedlaethol Cymru

Rydym yn falch iawn o gyhoeddi bod ein Hysgol Haf YPPA ar agor i'w harchebu!  Mae ein gwersylloedd haf yn gyfle unigryw i ddatblygu sgiliau newydd mewn amgylchedd hwyliog a chefnogol

Rydym yn falch iawn o gyhoeddi bod ein Hysgol Haf YPPA ar agor i'w harchebu!  Mae ein gwersylloedd haf yn gyfle unigryw i ddatblygu sgiliau newydd mewn…

description

generator

iawn, gyhoeddi, hysgol, yppa, unigryw, ddatblygu, sgiliau, newydd, mewn, amgylchedd, falch, agor, gyfle, hwyliog, rydym

keywords

https://cdn.rwcmd.ac.uk/images/Young-RWCMD/_1200x630_crop_center-center_82_none/Masks-and-Props.jpeg?mtime=1717166841

https://www.rwcmd.ac.uk/cy/young-rwcmd/drama/production-arts/summer-school

referrer

robots

twitter:card

twitter:creator

twitter:description

https://cdn.rwcmd.ac.uk/images/Young-RWCMD/_800x418_crop_center-center_82_none/Masks-and-Props.jpeg?mtime=1717166841

twitter:image

twitter:image:height

twitter:image:width

twitter:site

twitter:title

{"title":{"title":"Ysgolian haf | Royal Welsh College of Music & Drama"}}

Mae Stagecoach Penarth yn cyflwyno Disney’s High School Musical JR.

Ysgolian haf

Ysgolian haf

Adran archwilio

Trosolwg

Jazz Cenedlaethol Ieuenctid Cymru