Shiyu Zheng

Pam wnaethoch chi ddewis astudio’r cwrs MMus yn CBCDC?

Cefais fy nenu at CBCDC oherwydd ei amgylchedd cydweithredol a’r cyfuniad unigryw o ddrama a cherddoriaeth, sy’n darparu llwyfan cyfoethog ar gyfer twf artistig.

Sut wnaethoch chi deilwra’ch profiad i gyd-fynd orau â’ch cynlluniau ar gyfer y dyfodol?

Rwy’n credu bod pob eiliad, pob cyfarfyddiad a phob profiad yn siapio fy mhroses greadigol. Manteisiais ar bob cyfle gan gymryd rhan mewn dosbarthiadau meistr, cystadlaethau, a chydweithio ag ystod amrywiol o gerddorion.

A fu unrhyw adegau nodedig yn ystod eich cyfnod ar y cwrs?

Fe wnes berfformio fel unawdydd a phianydd cydweithredol ledled Caerdydd, gan gynnwys yn Neuadd Dewi Sant, Eglwys Gadeiriol Llandaf a Phier Penarth. Cefais gyfle i ymddangos gyda Cherddorfa Symffoni Coleg Brenhinol Cerdd a Drama Cymru, yn ogystal â chydweithio ag amrywiaeth o unigolion ac ensembles siambr.

Roedd derbyn y Wobr Gyntaf yng Ngwobr Cyfeilio Bryan yn 2023 yn uchafbwynt, ochr yn ochr â chymryd rhan mewn dosbarthiadau meistr dan arweiniad pianyddion o fri megis Ingrid Fliter, Lise de la Salle a Llŷr Williams.

Sut wnaeth y cwrs eich helpu yn eich llwybr gyrfa ar ôl graddio?

Nid dim ond gwella fy sgiliau fel pianydd wnaeth y cwrs, cyfrannodd hefyd at fy natblygiad fel cerddor cyflawn, gan roi profiadau a haenau amhrisiadwy i fy siwrnai artistig.

Beth oedd eich hoff ran o’r cwrs?

Mwynheais yn arbennig y rhyddid i deilwra’r cydbwysedd o ran modiwlau a’r ystod eang o gyfleoedd oedd ar gael i gymryd rhan mewn rhaglenni eraill. Caniataodd hyn i mi archwilio amrywiaeth eang o lwybrau.