Gweithrediadau technegol

Gadewch i ni gynnal eich digwyddiad. Rydym wedi ennill enw da am gynnal digwyddiadau rhyngwladol o’r radd flaenaf, dathliadau personol clos, darllediadau byd-eang a llwyddiannau perfformio cyffrous.

Mae ein neuadd gyngerdd a theatrau o’r radd flaenaf yn fannau poblogaidd i’w llogi ar gyfer digwyddiadau perfformio a chystadlaethau. Gadewch i ni eich croesawu.

Mae ein hamrywiaeth boblogaidd o gyfleusterau cynadledda a chyfarfod wedi denu digwyddiadau a chyfarfodydd mawr, megis y rhai ar gyfer NATO, cynhadledd ryngwladol yr Academi Farchnata, cynhadledd Cymdeithas Ewropeaidd y Llyfrgelloedd Gwybodaeth Iechyd ac arddangosfa World Stage Design.

Mae Coleg Brenhinol Cerdd a Drama Cymru wedi’i leoli ar dir Castell Caerdydd, sy’n ffinio ag un o barciau mwyaf a phrydferthaf y DU. Mae’n safle delfrydol i chi a’ch gwesteion.

Fel un o ddim ond naw conservatoire cerddorol arbenigol yn y DU, mae ein cerddorion ymysg doniau newydd gorau’r wlad. Gall ein staff profiadol gynghori ar ba berfformwyr sy’n addas i’ch digwyddiad, a byddwn yn gwneud ein gorau i deilwra’r gerddoriaeth i gyd-fynd â’r achlysur.

Mae ein lleoliadau trawiadol ar gael at eich defnydd chi’n egsgliwsif, ar gyfer hyd at 200 o westeion cinio ffurfiol a hyd at 500 o westeion derbyniad.