Trio Grande

Mae Trio Grande yn fwy na’r triawd cyffredin: Nate Wood yw’r unig berson, yn y byd o bosib, sy’n gallu chwarae i safon syfrdanol ar y drymiau a’r bas ar yr un pryd. Mae’r sacsoffonydd Will Vinson yn dyblu ar yr allweddellau ac mae’r gitarydd Gilad Hekselman yn enwog am ei allu i blethu llinellau gwrthbwyntiol ar draws ystod ei offeryn (a thu hwnt). Gyda’i gilydd, mae’r tri yn cyflwyno sain mor fawr ac eang â grŵp ddwywaith ei faint.