Raghu Dixit Trio

Mae Raghu Dixit Trio yn dod â thri chydweithiwr hirdymor ynghyd – Raghu Dixit (llais, gitâr acwstig), Sanjay Kumar (gitarau, bouzouki) ac Akshay Ganesh (feiolin) – mewn cyflwyniad newydd o gerddoriaeth Raghu Dixit.

Gan dynnu ar bron i dri degawd o gyfansoddi caneuon, mae’r repertoire yn symud rhwng fersiynau newydd o ffefrynnau o albymau cynharach Raghu, cyfansoddiadau newydd a deunydd sydd heb ei ryddhau. Gyda’r trefniannau wedi’u symleiddio i gynnwys dim ond llais, gitarau, bouzouki a feiolin, mae lle i’r caneuon anadlu ac i’r cerddorion ymateb i’w gilydd ac i’r gynulleidfa yn y fan a’r lle.

Mae Raghu Dixit wedi treulio dros ddau ddegawd yn mynd â’i gerddoriaeth o Mysuru i gynulleidfaoedd ledled y byd, gan berfformio mewn dros 50 o wledydd ac ar lwyfannau sy’n cynnwys Glastonbury, WOMAD, Canolfan Southbank a rhaglen, Later… with Jools Holland y BBC.