Trosolwg o’r Cwrs

Mae’r cwrs Diploma Ôl-raddedig mewn Ymarfer Proffesiynol Uwch yn rhaglen arbenigol wedi’i theilwria’n unigol ar gyfer myfyrwyr sy’n chwilio am gyfnod ychwanegol o hyfforddiant arbenigol terfynol cyn dechrau yn y maes a ddewiswyd ganddynt o’r proffesiwn.

• Hyfforddiant uwch yn y brif astudiaeth gan gerddorion proffesiynol
• Rhaglen astudio a deilwriwyd yn unigol wedi’i mentora
• Canolbwyntio ar strategaeth ar gyfer datblygu gyrfa broffesiynol gynaliadwy
• Cyfres dosbarthiadau meistr rhyngwladol
• Rhaglen gwbl integredig o berfformiadau gan artistiaid rhyngwladol
• Ystod eang o gyfleoedd perfformio mewn cyfleusterau o’r radd flaenaf
• Mynediad at ystod sylweddol o gyfleoedd hyfforddiant seiliedig ar waith
• Canolbwyntio ar gyflogadwyedd a sgiliau trosglwyddadwy

Strwythur y Cwrs

A fyddech cystal â nodi, er bod y wybodaeth isod yn adlewyrchu’r rhaglen a gynhigir hyd yma, gall hon gael ei haddasu a’i newid yn y dyfodol. Ymgynghorir â myfyrwyr bob amser ynglŷn â newidiadau o’r fath a bydd manylion ar gael i ymgeiswyr sydd â chynigion.

Er mwyn i fyfyrwyr allu symud ymlaen drwy’r cwrs, bydd angen iddynt fel arfer llwyddo yn yr holl fodiwlau ac ennill 120 o gredydau.

Gofynion Mynediad

Mynediad trwy glyweliad ar gyfer offerynwyr, cantorion ac arweinyddion, a thrwy gyfweliad ar gyfer cyfansoddwyr. Bydd isafswm y gofynion mynediad fel arfer yn cynnwys gradd meistr mewn perfformio cerddoriaeth, opera, cyfansoddi neu arwain o gonservatoire.

Ymgeiswyr Rhyngwladol

Bydd angen i ymgeiswyr rhyngwladol nad Saesneg yw eu hiaith gyntaf ddangos bod eu gallu Saesneg yn cwrdd â gofynion sylfaenol y Coleg. Cyfeiriwch at ein tudalen Gofynion Iaith Saesneg i gael manylion profion iaith Saesneg derbyniol a’r sgorau gofynnol.

Ffioedd Dysgu ar gyfer 2023-2024

* Dyma’r swm llawn.