Trosolwg o’r Cwrs

Mae’r rhaglen arbenigol hon yn cynnig hyfforddiant ymarferol i chi mewn rheoli llwyfan, crefft llwyfan, theatr dechnegol, cynhyrchu digwyddiadau a rheoli digwyddiadau. 

Mae’n rhoi cyfleoedd i chi gael profiad ymarferol o amrywiaeth o rolau cynhyrchu mewn amgylchedd gweithio sy’n adlewyrchu cyn agosed â phosibl amgylchedd theatr broffesiynol a’i diwydiannau cysylltiedig.  

Byddwch yn dechrau drwy ddysgu’r holl sgiliau craidd sydd eu hangen arnoch i weithio ar gynyrchiadau. Mae hyfforddiant rheoli llwyfan - sy’n ymwneud â threfnu a chydlynu perfformiad byw - yn cynnwys cyfres o sesiynau ymarferol. Bydd y rhain yn eich helpu i ddysgu a deall mwy am rolau rheolwr llwyfan cynorthwyol ac is-reolwr llwyfan ac mae’n cynnwys prosiectau creu a chanfod propiau.  

Bydd eich sesiynau crefft llwyfan yn archwilio’r sgiliau sydd eu hangen arnoch i farcio ystafelloedd a llwyfannau ymarfer, adeiladu a gosod golygfeydd sylfaenol a gweithio peiriannau llwyfan fel systemau hedfan gwrthbwysau a rhaffau. Byddwch hefyd yn cael gwybodaeth dechnegol am systemau goleuo, sain, fideo a thrydanol. Mae hyfforddiant iechyd a diogelwch yn rhan greiddiol o’r cwrs cyfan hefyd.  

Ond defnyddio eich sgiliau mewn amrywiaeth o brofiadau go iawn yw sylfaen eich hyfforddiant.  Drwy gydol eich cwrs, byddwch yn cymryd rhan mewn 11 lleoliad cynhyrchu - gyda Chwmni Richard Burton, ein cwmni theatr mewnol, yn bennaf. Fodd bynnag, gallai tri o’r rhain fod gyda chwmnïau cynhyrchu theatr proffesiynol yn y DU.  

Byddwch yn cael cyfle i arbenigo, a dilyn llwybrau gyrfa sy’n cyd-fynd â’ch diddordebau a’ch uchelgais, er mwyn i chi fod yn barod i ymateb i anghenion diwydiant amrywiol sy’n newid yn gyson.  

Pam astudio’r cwrs hwn?  

• Byddwch yn cael gwybodaeth am y byd go iawn a fydd yn eich paratoi ar gyfer eich gyrfa yn y dyfodol. Bydd sesiynau damcaniaethol, ymarferol ac academaidd yn ategu eich gwaith ar gynyrchiadau, er mwyn i chi ennill amrywiaeth fwy cynhwysfawr o sgiliau a phrofiadau. 

• Pan fyddwch wedi dysgu’r sgiliau craidd sy’n ymwneud ag amrywiaeth o rolau cynhyrchu, byddwch yn cael cyfle i arbenigo, er mwyn i’ch hyfforddiant gyd-fynd â’ch diddordebau a’ch uchelgais o ran gyrfa.  

• Bydd staff o bob cwr o'r diwydiant ac amryw o weithwyr proffesiynol a chyflogwyr gwadd yn eich hyfforddi. Byddant yn cynnig cyfleoedd rhwydweithio i chi yn ogystal ag addysg o'r radd flaenaf.  

• Pan fyddwch wedi graddio, gallwch ddilyn gyrfa mewn amryw o feysydd - fel rheoli ffilm, teledu, theatr a digwyddiadau, neu rolau mwy technegol ac yn y maes cynllunio, fel goleuo, sain neu fideo. Mae rhai o’n graddedigion wedi mynd ymlaen i hyfforddiant sy’n ymwneud â’r diwydiant a gwaith ymchwil a datblygu yn y maes gweithgynhyrchu. 

• Byddwch yn cymryd rhan mewn lleoliad cynhyrchu yn ystod eich tymor cyntaf - prosiect grŵp lle byddwch yn cynhyrchu digwyddiad â thema yn y Coleg i bob myfyriwr. Bydd pob lleoliad arall yn cynnig mwy a mwy o gyfrifoldeb i chi, ac yn eich trydedd flwyddyn, byddwch yn uwch aelod o'r tîm cynhyrchu, yn ysgwyddo llawer o gyfrifoldeb dros y perfformiadau terfynol. 

• Mae lleoliadau gwaith allanol yn rhan bwysig o'r rhaglen hon hefyd, sy’n caniatáu i chi ddatblygu eich crefft yn rhai o leoliadau a sefydliadau blaenllaw y DU. 

• Nid oes yr un cwrs arall yn cynnig cynifer â thri lleoliad allanol - ac mae’n bosibl y cewch gynnig pedwerydd lleoliad hefyd. Yn aml, bydd eich myfyrwyr yn cael lleoliadau gyda’r National Theatre, y Royal Shakespeare Company, Opera Cenedlaethol Cymru, y Royal Court a Glastonbury. 

• Cewch y cyfle i wneud prosiectau goleuo a sain, cynllunio taith ryngwladol a datblygu sgiliau mewn defnyddio systemau hedfan awtomataidd mwy datblygedig. 

• Mae cydweithio yn rhan o bob gweithgaredd. Byddwch yn cymysgu â myfyrwyr o grwpiau blwyddyn eraill yn yr adran, yn ogystal â’r actorion, y cynllunwyr a’r cerddorion o bob rhan o'r Coleg, sy’n golygu profiad cwmni theatr go iawn. Drwy weithio mewn tîm, byddwch hefyd yn datblygu dealltwriaeth ac empathi tuag at feysydd ymarfer eraill yn y celfyddydau creadigol. 

• Byddwch yn cael dosbarthiadau sy’n canolbwyntio ar fod yn broffesiynol, rheoli a pharatoi ar gyfer gyrfa yn y diwydiant. Yn ogystal â datblygu eich gwybodaeth am reoli digwyddiadau, bydd astudiaethau cyfathrebu hefyd yn archwilio materion pwysig fel cydraddoldeb, amrywiaeth a chynhwysiant. 

• Bydd gwersi cyfathrebu academaidd a phroffesiynol yn eich galluogi i fod yn ymarferydd yn y byd adloniant, o gyflwyno eich gwaith - a chi eich hun - rheoli eich cyllidebau a’ch llwybr gyrfa, delio â sefyllfaoedd personél cymhleth ac anodd a chynllunio digwyddiadau ar raddfa fawr.   
   

Gofynion Mynediad

Dewisir ymgeiswyr ar gyfer cyfweliad ar sail y wybodaeth a ddarperir yn eu cais UCAS. 

Mae cymwysterau cyfatebol yn cynnwys WBQ, Scottish Highers, Diploma/Tystysgrif Genedlaethol BTEC, Bagloriaeth Ryngwladol, GNVQ Uwch, AVCE neu Ddiploma Uwch (Lefel 3), neu gymwysterau rhyngwladol cydnabyddedig. 

Fodd bynnag, bydd unrhyw amodau gofynnol a gynhwysir gyda chynnig lle wedi’u seilio ar geisiadau unigol a chyfweliadau. Efallai y bydd disgwyl i ymgeiswyr gael o leiaf raddau BBC mewn Safon Uwch a DDM mewn cyrsiau BTEC, neu gyfatebol, cyn dechrau. 

Efallai y bydd y Coleg yn ystyried ceisiadau gan bobl sydd heb gymwysterau ffurfiol os oes ganddynt lefel eithriadol o allu ymarferol a phrofiad. 

Ymgeiswyr Rhyngwladol

Bydd angen i ymgeiswyr rhyngwladol nad Saesneg yw eu hiaith gyntaf ddangos bod eu gallu Saesneg yn cwrdd â gofynion sylfaenol y Coleg. Cyfeiriwch at ein tudalen Gofynion Iaith Saesneg i gael manylion profion iaith Saesneg derbyniol a’r sgorau gofynnol.

Ffioedd Dysgu ar gyfer 2023-2024 (2024-2025 TBC)

* Gosodir ffioedd dysgu israddedig ar gyfer myfyrwyr o’r Deyrnas Unedig gan Lywodraeth Cymru. Cânt eu hadolygu’n flynyddol a gallent godi yn y dyfodol.

** Mae ffioedd dysgu israddedig ar gyfer myfyrwyr tramor yn amodol ar gynnydd blynyddol.

Gwybodaeth bellach am y cyllid sydd ar gael tuag at gost ffioedd dysgu.