Beth am gymryd rhan mewn prynhawn o hyfforddiant a chwarae mewn ensemble gyda’r tiwtoriaid telyn blaenllaw, Elinor Bennett a Kathryn Rees.

Dewch i gael hwyl yn dysgu sut i wella eich techneg a rihyrsio darnau ensemble gydag Elinor a Kathryn. Hefyd, bydd Elinor Bennett yn rhoi sgwrs arbenigol am y delyn deires. Ar ddiwedd y dydd bydd yr ensemble yn rhoi cyngerdd anffurfiol. Dyma gyfle i gyfarfod a dod i adnabod cyd-delynorion tra’n cael profiad o addysgu o’r radd flaenaf.