Gwersi Cerdd

Gwersi Cerdd

Boed eich bod yn gweithio tuag at gymhwyster, yn paratoi ar gyfer clyweliad, neu’n dysgu er mwyn pleser personol, rydym yn cynnig hyfforddiant un i un arbenigol i gerddorion amatur yn y meysydd canlynol:

  • Llinynnau – feiolin, fiola, soddgrwth, bas dwbl, y delyn, gitâr a gitâr fas (jazz)
  • Chwythbrennau – ffliwt, obo, clarinét (clasurol a jazz), basŵn, sacsoffon (clasurol a jazz) a recorder
  • Pres – corned, trymped, corn Ffrengig, trombôn, ewffoniwm, tiwba
  • Offerynnau taro – tympanau, offerynnau taro cerddorfaol a chit drymiau (jazz)
  • Cyfansoddi, theori a hyfforddiant sain y glust
  • Llais
  • Piano (noder bod yn rhaid i chi fod â phiano acwstig adref)

Ar gyfer cerddorion ifanc dawnus rhwng 8-18 oed, mae gennym Gwrs Uwch y Conservatoire Iau.

Mae gwersi yn rhoi blaenoriaeth i ddatblygiad techneg a dawn gerddorol, a bydd cynnydd yn cael ei fonitro drwy adroddiadau tymhorol. Cewch hefyd y cyfle i berfformio mewn cyngherddau anffurfiol ar gyfer teulu a ffrindiau.

Pris gwersi yw £29.00 am bob hanner awr a gellir cael gwersi 30, 45 neu 60 munud o hyd. Cynhelir y gwersi fel arfer ar ddydd Sadwrn.

Mae mynediad drwy glyweliad anffurfiol, pryd y gwahoddir chi i chwarae neu ganu 2 ddarn byr (os ydych yn ddechreuwr llwyr, bydd eich clyweliad yn cynnwys profion traw a rhythm). Mae’r clyweliad hefyd yn rhoi cyfle i drafod eich dyheadau cerddorol gyda thiwtoriaid arbenigol CBCDC. Ffi’r clyweliad yw £30.00.

Darperir gwersi cymunedol yn ystod tymor y Coleg.

Lawrlwytho ffurflen gais.