MA Astudiaethau Répétiteur

MA Astudiaethau Répétiteur

Trosolwg o’r Cwrs

  • Hyfforddiant un i un arbenigol gan répétiteurs a hyfforddwyr nodedig
  • Cyfleoedd i arsylwi répétiteurs proffesiynol mewn rihyrsal yn WNO
  • Cyfnod o leoliad yn un o brif dai opera y DU
  • Astudiaeth a pharatoad manwl o repertoire craidd sylweddol
  • Cyfleoedd i chwarae ar gyfer nifer o gynyrchiadau opera a golygfeydd opera’r Coleg bob blwyddyn
  • Hyfforddiant, a chyfleoedd i gyfeilio, mewn perfformiadau a rihyrsals llais, megis y rheini gyda Chorws Coleg a Chôr Siambr CBCDC
  • Cyfleoedd i chwarae mewn dosbarthiadau iaith, sesiynau hyfforddiant lleisiol a dosbarthiadau meistr
  • Hyfforddiant mewn datblygu sgiliau hyfforddi, paratoi corawl ac arwain
  • Profiad o sesiwn clyweliadau a gwaith sy’n cyfateb i un broffesiynol

 

Strwythur y Cwrs

A fyddech cystal â nodi, er bod y wybodaeth isod yn adlewyrchu’r rhaglen a gynhigir hyd yma, gall hon gael ei haddasu a’i newid yn y dyfodol. Ymgynghorir â myfyrwyr bob amser ynglŷn â newidiadau o’r fath a bydd manylion ar gael i ymgeiswyr sydd â chynigion.

Er mwyn i fyfyrwyr allu symud ymlaen drwy’r cwrs, bydd angen iddynt fel arfer llwyddo yn yr holl fodiwlau ac ennill 140 o gredydau.

  • Gwybodaeth Modiwlau

    Rhan Un

    Modiwl Credydau
    Y Gweithiwr Opera Proffesiynol 1 20
    Sgiliau Répétiteur 1 20
    Perfformiad Opera (Répétiteur) 1 40

     

    Rhan Dau

    Modiwl Credydau
    Sgiliau Répétiteur 2 20
    Lleoliad Proffesiynol (Répétiteur) 20
    Y Gweithiwr Opera Proffesiynol 2 20

     

Gofynion Mynediad

Mynediad trwy wrandawiad a dylai ymgeiswyr allu arddangos lefel o allu perfformio sy’n briodol ar gyfer hyfforddiant proffesiynol. Mae’r gofynion mynediad lleiafswm fel arfer yn cynnwys gradd 2:1 mewn cerddoriaeth neu gymhwyster cyfwerth, er y gall y Coleg ystyried ceisiadau gan bobl heb gymwysterau ffurfiol os oes ganddynt lefel eithriadol o allu, profiad ymarferol, a dealltwriaeth dda o’r proffesiwn opera.

 

Ymgeiswyr Rhyngwladol

Bydd angen i ymgeiswyr rhyngwladol nad Saesneg yw eu hiaith gyntaf ddangos bod eu gallu Saesneg yn cwrdd â gofynion sylfaenol y Coleg. Cyfeiriwch at ein tudalen Gofynion Iaith Saesneg i gael manylion profion iaith Saesneg derbyniol a’r sgorau gofynnol.

 

Ffioedd Dysgu ar gyfer 2021-2022

Hyd y Cwrs Myfyrwyr Cartref (y DU) / Gweriniaeth Iwerddon Myfyrwyr Tramor Myfyrwyr o Ynysoedd y Sianel ac Ynys Manaw
2 flynedd llawn amser £10,838 * £21,322 * £16,082 *

* Mae’r swm hwn ar gyfer y flwyddyn gyntaf yn unig. Mae’r ffi dysgu sy’n daladwy yn yr ail flwyddyn yn amodol ar gynnydd blynyddol.

Gwybodaeth bellach am y cyllid sydd ar gael tuag at gost ffioedd dysgu.